ലണ്ടന്‍: യുവേഫ വനിത യൂറോ കപ്പ് ഇംഗ്ലണ്ടിന്. കലാശപ്പോരാട്ടത്തില്‍ ജര്‍മനിയെ കീഴടക്കിയാണ് ഇംഗ്ലണ്ട് ടൂര്‍ണമെന്‍റിലെ കന്നി കിരീടം നേടിയത്. അധിക സമയത്തേക്ക് നീണ്ട മത്സരത്തില്‍ ഒന്നിനെതിരെ രണ്ട് ഗോളുകള്‍ക്കാണ് ത്രീലയണ്‍സിന്‍റെ വിജയം.
വനിത യൂറോ കപ്പ്: ഇംഗ്ലണ്ടിന് കന്നി കിരീടം, ജര്‍മനിയെ കീഴടക്കിയത് അധിക സമയത്ത് - വനിത യൂറോ കപ്പ് ഇംഗ്ലണ്ടിന്
അധിക സമയത്തേക്ക് നീണ്ട കലാശപ്പോരില്‍ ഒന്നിനെതിരെ രണ്ട് ഗോളുകള്‍ക്കാണ് ഇംഗ്ലണ്ട് ജര്‍മനിയെ കീഴടക്കിയത്.
വനിത യൂറോ കപ്പ്: ഇംഗ്ലണ്ടിന് കന്നി കിരീടം, ജര്‍മനിയെ കീഴടക്കിയത് അധിക സമയത്ത്
നിശ്ചിത സമയത്ത് ഒരോ ഗോളുമായി ഇരു സംഘവും സമനിലയിലായിരുന്നു. ഗോള്‍ രഹിതമായി പിരിഞ്ഞ ആദ്യ പകുതിക്ക് ശേഷം 62-ാം മിനുട്ടില്‍ എല്ലാ ടൂണിലൂടെ ഇംഗ്ലണ്ടാണ് ആദ്യം മുന്നിലെത്തിയത്. എന്നാല്‍ 79-ാം മിനുട്ടില്‍ ലിന മഗുലിയിലൂടെ ജര്‍മനി ഒപ്പം പിടിച്ചു.
തുടര്‍ന്ന് അധിക സമയത്തേക്ക് നീണ്ട മത്സരത്തിന്‍റെ 110-ാം മിനിട്ടില്‍ ക്ലോയി കെല്ലിയാണ് ഇംഗ്ലണ്ടിന്‍റെ വിജയഗോൾ നേടിയത്. 1966ൽ പുരുഷ ടീം ലോകകിരീടം നേടിയ ശേഷം ഫുട്‌ബോളിന്‍റെ ജന്മനാട്ടിലേക്ക് എത്തുന്ന ആദ്യ പ്രധാന കിരീടം കൂടിയാണിത്. ഇതോടെ ഒരു പ്രധാന കിരീടത്തിനായുള്ള ഇംഗ്ലീഷ് ഫുട്‌ബോളിന്‍റെ 56 വര്‍ഷത്തെ കാത്തിരിപ്പാണ് അവസാനിക്കുന്നത്.