മിലാൻ: ഇറ്റാലിയൻ ഗ്രാന്‍റ് പ്രീയിൽ റെഡ് ബുള്ളിന്‍റെ മാക്‌സ് വെർസ്റ്റാപ്പന് ജയം. പോൾ പൊസിഷനിൽ റേസ് തുടങ്ങിയ വെർസ്റ്റാപ്പൻ വ്യക്‌തമായ മേധാവിത്വം തുടർന്ന മത്സരത്തിൽ സഹതാരം സെർജിയോ പെരസിനെ മറികടന്നാണ് പോഡിയത്തിലേറിയത്. റെഡ് ബുൾ ഡ്രൈവർമാർക്ക് പിറകിൽ മക്‌ലാരന്‍റെ ലാന്‍റോ നോറിസ് മൂന്നാമതായി റേസ് പൂർത്തിയാക്കി.
ജയത്തോടെ കിരീട പോരാട്ടത്തിൽ ഫെരാരിയുടെ ലെക്ലെർക്കും ആയുള്ള പോയിന്‍റ് വ്യത്യാസം 27 ആയി കുറയ്‌ക്കാനായി വെർസ്റ്റാപ്പന്. റേസിൽ മൂന്നാമതായിരുന്ന ലെക്ലർക് അവസാന പിറ്റ് സ്റ്റോപ്പിൽ രണ്ടാമതുള്ള റെഡ് ബുള്ളിന്‍റെ സെർജിയോ പെരസിനെ മറികടക്കാനുള്ള ശ്രമത്തിൽ നിയന്ത്രണം വിട്ട് ആറാം സ്ഥാനത്ത് റേസ് അവസാനിപ്പിച്ചത് ഫെരാരിയ്‌ക്ക് നിരാശ സമ്മാനിച്ചു. നേരത്തെ ആദ്യ ലാപ്പിൽ തന്നെ ഫെർണാണ്ടോ അലോൻസയുമായി കൂട്ടിയിടിച്ചതിന് പിന്നാലെ സഹതാരം കാർലോസ് സൈൻസ് റേസിൽ നിന്നും പിൻമാറിയിരുന്നു.