ബര്‍മിങ്‌ഹാം:കോമണ്വെല്ത്ത് ഗെയിംസ് മത്സരത്തിനിടെ ഇന്ത്യന്‍ സൈക്ലിങ് താരം മീനാക്ഷി അപകടത്തില്‍പെട്ടു. വനിതകളുടെ 10 കിലോമീറ്റർ സ്‌ക്രാച്ച് റേസിനിടെയാണ് താരത്തിന് അപകടം സംഭവിച്ചത്. റേസിനിടെ ട്രാക്കില്‍ തെന്നി വീണ മീനാക്ഷിയുടെ ശരീരത്തിലൂടെ മറ്റൊരു മത്സരാര്‍ഥിയുടെ സൈക്കിള്‍ കയറുകയും ചെയ്‌തു.
ന്യൂസിലൻഡിന്‍റെ ബ്രയോണി ബോത്തയുടെ സൈക്കിളാണ് മീനാക്ഷിയുടെ ശരീരത്തില്‍ കയറിയത്. ഇതേ തുടര്‍ന്ന് കിവീസ് താരവും ട്രാക്കില്‍ തെറിച്ചുവീണു. അപകടം നടന്നയുടനെ ഡോക്‌ടർമാർ സ്ഥലത്ത് എത്തിയിരുന്നു.