മാഞ്ചസ്റ്റര്: മാഞ്ചസ്റ്റര് യുണൈറ്റഡ് പരിശീലകന്‍ റാൽഫ് റാങ്‌നിക്കിനെ പിന്തുണച്ച് സൂപ്പര്‍ താരം ക്രിസ്റ്റ്യാനോ റൊണാള്‍ഡോ. അടുത്തിടെ ടീമിന്‍റെ പരിശീലകനായെത്തിയ റാങ്നിക്കിന് ടീമില്‍ തന്‍റെ പദ്ധതികള്‍ നടപ്പിലാക്കാന്‍ സമയം ആവശ്യമുണ്ടെന്ന് റൊണാള്‍ഡോ പറഞ്ഞു.
സീസണില്‍ ടീമിന്‍റെ മോശം പ്രകടനത്തെ തുടര്‍ന്ന് ഒലെ ഗുണ്ണാർ സോൾഷ്യറെ പുറത്താക്കിയതിന് പിന്നാലെ, കഴിഞ്ഞ നവംബറിലാണ് റാങ്‌നിക്ക് ചുമതലയേറ്റെടുക്കുന്നത്. റാങ്നിക്കിന് കീഴില്‍ യുണൈറ്റഡിന്‍റെ പ്രകടനം മെച്ചപ്പെടുന്നുണ്ടെങ്കിലും പല കോണുകളില്‍ നിന്നും വിമര്‍ശനം ഉയരുന്ന പശ്ചാത്തലത്തിലാണ് റൊണാള്‍ഡോയുടെ പ്രതികരണം.
''അഞ്ചാഴ്‌ച മുമ്പ് എത്തിയത് മുതല്‍ പല കാര്യങ്ങളിലും അദ്ദേഹം മാറ്റം വരുത്തിയിട്ടുണ്ട്. എല്ലാ കളിക്കാരിലും തന്‍റെ പദ്ധതികളെത്തിക്കാന്‍ അദ്ദേഹത്തിന് കുറച്ച് സമയം ആവശ്യമുണ്ട്. അദ്ദേഹത്തിന് മികച്ചത് ചെയ്യാനാവുമെന്നാണ് ഞാന്‍ വിശ്വസിക്കുന്നത്.