ന്യൂഡല്‍ഹി:ഒരു സംഭവത്തിലൂടെ മേരി കോമിനെ വിലയിരുത്താനാകില്ലെന്ന് ബോക്‌സിങ് ഫെഡറേഷന്‍ ഓഫ് ഇന്ത്യ പ്രസിഡന്‍റ് അജയ് സിംഗ്. നിഖാത് സറീനുമായുള്ള 51 കിലോ വിഭാഗത്തിലെ ഒളിമ്പിക് യോഗ്യതാ ട്രയല്‍സ് മത്സരത്തിന് ശേഷം മേരി വൈകാരികമായി പ്രതികരിച്ചതിനെ തുടർന്ന് സംസാരിക്കുകയായിരുന്നു അദ്ദേഹം. മത്സരത്തിന് ശേഷം സറീന് കൈ കൊടുക്കാനോ ആലിംഗനം ചെയ്യാനോ താരം തയ്യാറായിരുന്നില്ല. വൈകാരികമായ സാഹചര്യങ്ങളില്‍ ഇത്തരം സംഭവങ്ങൾ ഉണ്ടാകാമെന്ന് അജയ് സിംഗ് പറഞ്ഞു.
മേരി കോമും നിഖാത് സറീനും ഇന്ത്യന്‍ ബോക്‌സിങ്ങിന്‍റെ ശക്തിയാണ്. സറീന് മികച്ച ബോക്‌സറാണ്. മേരി കോം വലിയ ആഗ്രഹമുള്ള കരുത്തുറ്റ പ്രകൃതമുള്ള ബോക്‌സറും. മേരി ഇന്ത്യന്‍ കായിക രംഗത്തിന്‍റെ പ്രതീകമാണ്. വൈകാരിമായ പ്രകടനങ്ങൾ അവരുടെ മഹത്വത്തെ ഇല്ലാതാക്കില്ല. അവരെ കുറിച്ച് നാം അഭിമാനിക്കണം.