ടോക്കിയോ: ലോക ബാഡ്‌മിന്‍റൺ ചാമ്പ്യൻഷിപ്പില്‍ ഇന്ത്യയുടെ ധ്രുവ് കപില-എംആർ അർജുൻ സഖ്യത്തിന്‍റെ കുതിപ്പ് അവസാനിച്ചു. പുരുഷ ഡബിള്‍സിന്‍റെ ക്വാര്‍ട്ടറില്‍ ഇന്തോനേഷ്യയുടെ ഹെന്ദ്ര സെറ്റിയാവ-മുഹമ്മദ് അഹ്‌സൻ സഖ്യത്തോട് ഇന്ത്യന്‍ താരങ്ങള്‍ പരാജയപ്പെട്ടു.
29 മിനിട്ട് മാത്രം നീണ്ട് നിന്ന മത്സരത്തില്‍ നേരിട്ടുള്ള സെറ്റുകള്‍ക്കാണ് അർജുൻ–കപില സഖ്യത്തിന്‍റെ തോല്‍വി. മൂന്ന് തവണ ലോക ചാമ്പ്യന്മാരായ ഇന്തോനേഷ്യന്‍ താരങ്ങള്‍ക്കെതിരെ ആദ്യ സെറ്റില്‍ കാര്യമായ വെല്ലുവിളിയാന്‍ ഇന്ത്യന്‍ താരങ്ങള്‍ക്ക് കഴിഞ്ഞില്ല.