കരിയറിൽ 500 ക്ലീൻ ഷീറ്റുകൾ : ബഫൺ ചരിത്രം സൃഷ്‌ടിക്കുന്നത് തുടരുന്നു

44-ാം വയസിലാണ്, ഫുട്ബോൾ ചരിത്രത്തിൽ 500 ക്ലീൻ ഷീറ്റ് നേടുന്ന ആദ്യ ഗോൾ കീപ്പറെന്ന നേട്ടം താരത്തെ തേടിയെത്തിയിരിക്കുന്നത്

പാർമ : ഫുട്ബോൾ ഇതിഹാസം ജിയാൻ ലൂജി ബുഫണിന്‍റെ റെക്കോര്‍ഡ് പുസ്‌തകത്തിലേക്ക് മറ്റൊരു പൊൻതൂവൽ കൂടി ചേർക്കപ്പെട്ടു. ഫുട്ബോൾ ചരിത്രത്തിൽ 500 ക്ലീൻ ഷീറ്റ് നേടുന്ന ആദ്യ ഗോൾ കീപ്പറെന്ന നേട്ടമാണ് ഇറ്റാലിയൻ ഇതിഹാസത്തെ തേടിയെത്തിയിരിക്കുന്നത്. ബെനെവെന്‍റയുമായുള്ള ഗോൾരഹിത സമനിലയ്ക്ക് ശേഷമാണ് ഈ നേട്ടം 44 കാരനായ താരം ഈ നേട്ടം കൈവരിച്ചത്.

യുവന്‍റസിനായി 322, പാർമയ്‌ക്കൊപ്പം 92, പിഎസ്‌ജിയ്‌ക്കൊപ്പം ഒമ്പത്, ഇറ്റാലിയൻ ദേശീയ ടീമിനൊപ്പം 77 മത്സരങ്ങളിൽ നിന്നാണ് ഈ റെക്കോർഡ് നേടിയത്.

653 മത്സരങ്ങളോടെ, സീരി എയുടെ ചരിത്രത്തിൽ ഏറ്റവുമധികം മത്സരങ്ങൾ കളിച്ച താരമാണ് ബഫൺ, പൗലോ മാൽഡിനിയെ മറികടന്ന് 27 പ്രൊഫഷണൽ ടൈറ്റിലുകൾ നേടിയിട്ടുണ്ട്, അവയിൽ ഒമ്പത് സീരി എ , അഞ്ച് കോപ്പ ഇറ്റാലിയ, ആറ് സൂപ്പർ കപ്പുകൾ, ഒരു യുവേഫ കപ്പ്, 2006 ലെ ലോകകപ്പ് എന്നിവ ഉൾപ്പെടുന്നു.