പനജി : ഒഡിഷയെ തകർത്ത് ഫോമിലേക്ക് തിരിച്ചെത്തി മുംബൈ സിറ്റി. ഒഡിഷയെ നേരിട്ട മുംബൈ സിറ്റി ഒന്നിനെതിരെ നാല് ഗോളുകൾക്കാണ് വിജയിച്ച് കയറിയത്. ഇരട്ട ഗോളുകളുമായി തിളങ്ങിയ ബിപിൻ സിംഗും അംഗുളോയും മുംബൈ സിറ്റിക്കായി മികച്ച വിജയമൊരുക്കി.
40 മിനിട്ടുകൾ വരെ ഗോൾ രഹിതമായി തുടർന്ന മൽസരത്തിന്‍റെ 41-ാം മിനിട്ടിൽ ഹെഡറിലൂടെ അംഗുളോയാണ് ആദ്യ ഗോൾ കണ്ടെത്തിയത്. രണ്ടാം പകുതിയുടെ തുടക്കത്തിൽ ഗോൾ കീപ്പർ അർഷദീപിനെ മറികടന്ന് ബിപിൻ സിങ് ലീഡ് ഇരട്ടിയാക്കി.