ബെംഗളൂരു: രഞ്ജി ട്രോഫിയിൽ ജാർഖണ്ഡിനെതിരെ തകർപ്പൻ സെഞ്ച്വറിയുമായി പശ്ചിമബംഗാളിന്‍റെ കായിക യുവജനകാര്യ മന്ത്രി മനോജ് തിവാരി. 88 വർഷത്തെ രഞ്ജി ട്രോഫി ചരിത്രത്തിൽ ആദ്യമായാണ് ഒരു മന്ത്രി സെഞ്ച്വറി നേടുന്നത്. മത്സരം സമനിലയിലായതോടെ ബംഗാൾ രഞ്ജി ട്രോഫിയുടെ സെമിയിലേക്ക് പ്രവേശിച്ചു.
152 പന്തിൽ 19 ഫോറിന്‍റെയും രണ്ട് സിക്‌സിന്‍റെയും അകമ്പടിയോടെ 136 റണ്‍സാണ് തിവാരി അടിച്ചുകൂട്ടിയത്. മത്സരത്തിന്‍റെ ആദ്യ ഇന്നിങ്സിൽ തിവാരി 73 റണ്‍സ് നേടിയിരുന്നു. ഷഹബാസ് അഹമ്മദ് (46), അനുസ്തുപ് മജുംദാർ (38), അഭിഷേക് പോറെൽ (34) എന്നിവരും ബംഗാളിനായി മികച്ച രീതിയിൽ ബാറ്റ് വീശി.