കൊല്‍ക്കത്ത:ഇന്ത്യന്‍ പ്രതിരോധ നിരയിലെ കരുത്തനായ സന്ദേശ് ജിങ്കന് ഐഎസ്എല്‍ ക്ലബ്ബായ എടികെ മോഹന്‍ ബഗാന്‍ വിട്ടു. ജിങ്കന് ക്ലബ്ബ് വിട്ട കാര്യം ക്ലബ്ബ് ഔദ്യോഗികമായി സ്ഥിരീകരിച്ചു. വരുന്ന സീസണില്‍ ജിങ്കന് ഏത് ടീമിന് വേണ്ടിയാണ് കളിക്കുന്നത് എന്നതില്‍ വ്യക്തത വന്നിട്ടില്ല.
മുന്‍ ചാമ്പ്യന്മാരായ ബെംഗളൂരു എഫ്.സി ഉള്‍പ്പടെയുള്ള ടീമുകള്‍ ജിങ്കനെ ടീമിലെത്തിക്കാന്‍ താല്‍പര്യം പ്രകടിപ്പിച്ചിട്ടുണ്ട്. ഐഎസ്എല്‍ തുടക്കം മുതല്‍ ബ്ലാസ്‌റ്റേഴ്‌സിനായി കളിച്ച സന്ദേശ് ജിങ്കന് 2020-21 സീസണിലാണ് എടികെയിലേക്ക് ചേക്കേറിയത്. അഞ്ച് വര്‍ഷത്തെ കരാറില്‍ 10 കോടി രൂപയുടെ റെക്കോഡ് തുകയ്‌ക്കായിരുന്നു താരത്തിന്‍റെ കൂടുമാറ്റം.