മനാമ: 2021ലെ ഏഷ്യ യൂത്ത് പാരാലിമ്പിക്‌സിൽ ഇന്ത്യയുടെ കാശിഷ് ലക്രയ്‌ക്ക് സ്വര്‍ണം. ക്ലബ് ത്രോയിൽ എഫ് 51 വിഭാഗത്തിലാണ് ടോക്കിയോ പാരാലിമ്പ്യൻ കൂടിയായ ലക്രയുടെ നേട്ടം. അതേസമയം ഗെയിംസിന്‍റെ രണ്ടാം ദിനമായ വെളളിയാഴ്‌ച ഇതടക്കം മൂന്ന് മെഡലുകള്‍ നേടാന്‍ ഇന്ത്യയ്‌ക്കായിട്ടുണ്ട്.
ജാവലിൻ ത്രോയിൽ ലക്ഷിത് (എഫ് 54), ഷോട്ട്പുട്ടിൽ സഞ്ജയ് ആർ.നീലം (എഫ്11) എന്നിവരാണ് ഇന്ന് ഇന്ത്യയ്‌ക്കായി മെഡല്‍ നേടിയത്. ഇതോടെ ഗെയിംസില്‍ ഇന്ത്യയുടെ ആകെ മെഡല്‍ നേട്ടം നാലായി. ഗെയിംസിന്‍റെ ഒന്നാം ദിനമായ വ്യാഴാഴ്‌ച ഷോട്ട് പുട്ടില്‍ അനന്യ ബൻസാലാണ് രാജ്യത്തിന്‍റെ ആദ്യ മെഡല്‍ നേടിയത്. എഫ് 20 വിഭാഗത്തിൽ വെള്ളിമെഡല്‍ നേട്ടമാണ് താരം ആഘോഷിച്ചത്.