അഡ്‌ലെയ്‌ഡ്: അഡ്‌ലെയ്‌ഡ് ഇന്‍റർനാഷണൽ 2022 ഡബ്ല്യുടിഎ 500 വനിത ഡബിൾസ് സെമിഫൈനലിൽ നിന്ന് സാനിയ മിർസ- നദിയ കിചെനോക്ക് സഖ്യം പുറത്ത്. ഒരു മണിക്കൂർ അഞ്ച് മിനിറ്റ് നീണ്ടുനിന്ന പോരാട്ടത്തിൽ ഓസ്‌ട്രേലിയയുടെ ആഷ്‌ലീ ബാർട്ടി- സ്റ്റോം സാൻഡേഴ്‌സ് സഖ്യമാണ് ഇന്ത്യ-യുക്രെയ്‌ൻ ജോഡിയെ പരാജയപ്പെടുത്തിയത്. സ്കോർ 6-1, 2-6, 10-8.
ആദ്യ സെറ്റിൽ തകർപ്പൻ ഷോട്ടുകളിലൂടെ സാനിയ- നദിയ സഖ്യത്തെ നിഷ്‌പ്രഭമാക്കുന്ന രീതിയിലായിരുന്നു ഓസീസ് സഖ്യം മത്സരിച്ചത്. എന്നാൽ രണ്ടാം സെറ്റിൽ വൻ തിരിച്ചുവരവ് നടത്തിയ സാനിയ- നാദിയ സഖ്യം സെറ്റ് വിജയിച്ച് മത്സരം സമനിലയിലാക്കി.
എന്നാൽ വാശിയേറിയ അവസാന സെറ്റിലെ ഇഞ്ചോടിഞ്ച് പോരാട്ടത്തിനൊടുവിൽ ഓസ്ട്രേലിയൻ സഖ്യം മത്സരം പിടിച്ചെടുക്കുകയായിരുന്നു. നേരത്തെ ക്വാർട്ടർ ഫൈനലിൽ ഷെൽബി റോജേഴ്‌സ്- ഹെതർ വാട്‌സണ്‍ സഖ്യത്തെ പരാജയപ്പെടുത്തിയാണ് സാനിയ- നാദിയ സഖ്യം സെമിയിലേക്ക് പ്രവേശിച്ചത്.