ചണ്ഡീഗഡ്‌: ഇന്ത്യന്‍ ഹോക്കി ഇതിഹാസ താരം പത്മശ്രീ ബെല്‍ബീര്‍ സിങ്ങിന് വിട നല്‍കി രാജ്യം. മൃതദേഹം പൂർണ ഔദ്യോഗിക ബഹുമതികളോടെ ഛണ്ഡീഗഡിലെ സെക്‌ടർ 25-ല്‍ സംസ്‌കരിച്ചു. സെക്‌ടർ 36-ലെ വീട്ടില്‍ പൊതു ദർശനത്തിന് വെച്ച മൃതദേഹത്തില്‍ പ്രമുഖർ അന്ത്യാഞ്‌ജലി അർപ്പിച്ചു.
പത്മശ്രീ ബെല്‍ബീര്‍ സിങ്ങിന് അന്ത്യാഞ്‌ജലി അർപ്പിച്ച് രാജ്യം
ഇന്ത്യന്‍ ഹോക്കി ഇതിഹാസ താരം പത്മശ്രീ ബെല്‍ബീര്‍ സിങ്ങിന്‍റെ മൃതദേഹം പൂർണ ഔദ്യോഗിക ബഹുമതികളോടെ ഛണ്ഡീഗഡിലെ സെക്‌ടർ 25-ല്‍ സംസ്‌കരിച്ചു
ബെല്‍ബീര്‍ സിങ്
95 വയസായിരുന്നു. തിങ്കളാഴ്‌ച രാവിലെ 6.30ന് മൊഹാലി ഫോര്‍ട്ടീസ്‌ ആശുപത്രിയില്‍ വെച്ചായിരുന്നു അന്ത്യം. മൂന്ന്‌ തവണ ഒളിമ്പിക് സ്വര്‍ണ മെഡല്‍ ലഭിച്ച ഇദ്ദേഹം അന്താരാഷ്ട്ര ഒളിമ്പിക് കമ്മിറ്റിയിലേക്ക് തെരഞ്ഞെടുക്കപ്പെട്ട 16 ഇന്ത്യക്കാരില്‍ ഒരാളായിരുന്നു. 1975-ല്‍ ലോകകപ്പ് സ്വന്തമാക്കിയ ഇന്ത്യന്‍ ടീമിന്‍റെ പരിശീലകന്‍ കൂടിയായിരുന്നു അദ്ദേഹം.
വാര്‍ധക്യ സഹജമായ അസുഖങ്ങള്‍ മൂലം മെയ്‌ 8നാണ് ആശുപത്രിയില്‍ പ്രവേശിപ്പിക്കുന്നത്. വീട്ടില്‍ മകൾക്കും പേരക്കുട്ടിക്കുമൊപ്പമായിരുന്നു താമസം. രാഷ്‌ട്രപതി രാംനാഥ് കോവിന്ദും പ്രധാനമന്ത്രി നരേന്ദ്ര മോദിയും ഉൾപ്പെടെയുള്ള പ്രമുഖർ അനുശോചനം അറിയിച്ചു.