ബീജിംഗ്: അമേരിക്കയിൽ നിന്ന് നാട്ടിലേക്ക് മടങ്ങിയെത്തിയ ചൈനീസ് വനിതാ ഐസ് ഹോക്കി ടീമിലെ രണ്ട് കളിക്കാർക്ക് കൊവിഡ് 19.
യുഎസില്‍ കൊവിഡ് 19 വ്യാപിച്ചതോടെ മാര്‍ച്ച് 13നാണ് ടീം തിരികെയെത്തിയത്. തിരികെയെത്തിയ ഇവരെ ക്വാറന്‍റൈനിലാക്കിയിരുന്നു. രണ്ട് പേര്‍ സ്വയം നിരീക്ഷണത്തിലിരിക്കുന്ന സമയത്താണ് ഫലം പോസിറ്റീവായത്. രണ്ട് പേര്‍ക്കും വിദഗ്ധ ചികിത്സ ലഭിക്കുന്നുണ്ട്. ടീമിലെ ബാക്കിയുള്ളവരുടെ ആരോഗ്യ നില തൃപ്തികരമാണെന്ന് ഹോക്കി ടീം മാനേജ്‌മെന്‍റ് അറിയിച്ചു.