ബാഴ്സലോണ: ലയണല് മെസിയില്ലാത്ത ബാഴ്സലോണയെ എതിരാളികള് അധികം ഭയപ്പെടുന്നില്ലെന്ന് കോച്ച് റൊണാൾഡ് കൂമാൻ. ലാ ലിഗയിലെ ക്ലബിന്റെ രണ്ടാം മത്സരത്തില് അത്ലറ്റിക് ബില്ബാവോയ്ക്കെതിരായ സമയനിലയ്ക്ക് ശേഷമായിരുന്നു കൂമാന് ഇക്കാര്യം പറഞ്ഞത്.
"എല്ലായെപ്പോഴും ഒരേകാര്യത്തെക്കുറിച്ച് സംസാരിക്കുന്നത് എനിക്ക് ഇഷ്ടമില്ല. എന്നാല് നമ്മള് ലോകത്തിലെ മികച്ചതിനെക്കുറിച്ചാണ് സംസാരിക്കുന്നത്. മെസി ടീമിനൊപ്പമുണ്ടായിരുന്നപ്പോള് എതിരാളികള് കൂടുതല് ഭയപ്പെട്ടിരുന്നു.
ലിയോയ്ക്ക് നിങ്ങൾ പന്ത് കൈമാറുകയാണെങ്കിൽ, സാധാരണയായി അവന് അത് നഷ്ടമാക്കില്ല. മെസി ടീമിനൊപ്പമില്ലെന്ന് നിങ്ങൾക്ക് പറയാം. ഞങ്ങൾക്ക് അതറിയുകയും ചെയ്യാം. എന്നാല് ചില കാര്യങ്ങള് മാറ്റാനാവില്ല" കൂമാൻ പറഞ്ഞു.