മാഞ്ചസ്‌റ്റർ:പ്രീമിയർ ലീഗിലെ വമ്പൻമാരായമാഞ്ചസ്‌റ്റർ യുണൈറ്റഡ് എഫ് എ കപ്പിന്‍റെ നാലാം റൗണ്ടില്‍ പ്രവേശിച്ചു. ഓൾഡ് ട്രാഫോഡില്‍ നടന്ന മത്സരത്തില്‍ ഏകപക്ഷീയമായ ഒരു ഗോളിന് വോൾവ്സിനെ പരാജയപ്പെടുത്തിയാണ് യുണൈറ്റഡ് അടുത്ത ഘട്ടത്തിലേക്ക് കടന്നത്. 67-ാം മിനുട്ടില്‍ യുവാന്‍ മാറ്റയാണ് യുണൈറ്റഡിന്‍റെ വിജയ ഗോൾ നേടിയത്. സൂപ്പർ താരം റാഷ്‌ഫോർഡിന്‍റെ അസിസ്‌റ്റിലാണ് മാറ്റ വോൾവ്സിന്‍റെ വല ചലിപ്പിച്ചത്.
എഫ്എ കപ്പില്‍ മാഞ്ചസ്‌റ്റർ യുണൈറ്റഡും വോൾവ്സും തമ്മിലുള്ള മത്സരത്തിന്‍റെ ഹൈലൈറ്റ്സ്
10-ാം മിനുട്ടിൽ വോൾവ്സിനായി പെഡ്രോ നെറ്റോ കളിയിലെ ആദ്യ ഗോൾ നേടിയെങ്കിലും റഫറി അനുവദിച്ചില്ല. വൂൾവ്സ് താരം റൗള്‍ ജിമെനസിന്‍റെ കയ്യില്‍ പന്ത് തട്ടിയതായി കണ്ടതോടെ ഹാന്‍ബോൾ വിധിക്കുകയായിരുന്നു.