ഇംഗ്ലീഷ് പ്രീമിയര്‍ ലീഗ് ടീം മാഞ്ചസ്റ്റര്‍ യുണൈറ്റഡ് വിടുന്നതാണ് റൊമേലു ലുക്കാക്കുവിന്‍റെ കരിയറിന് നല്ലതെന്ന് ബെല്‍ജിയം ദേശീയ ഫുട്ബോൾ ടീം പരിശീലകന്‍ റോബേര്‍ട്ടോ മാർട്ടിനെസ്. കുറേ കാലമായി യുണൈറ്റഡ് ജേഴ്സിയില്‍ ഫോം കണ്ടെത്താൻ വിഷമിക്കുന്ന ലുക്കാക്കു ബെൽജിയത്തിനായി തകർപ്പൻ ഫോമിലാണ്. ഇതാണ് താരം ക്ലബ്ബ് വിടണമെന്ന് മാര്‍ട്ടിനെസ് ഉന്നയിക്കാൻ കാരണമായത്.
യുണൈറ്റഡ് വിടുന്നതാണ് ലുക്കാക്കുവിന് നല്ലതെന്ന് ബെൽജിയം പരിശീലകൻ
ഇറ്റാലിയന്‍ ക്ലബ്ബായ ഇന്‍റർ മിലാൻ താരത്തിനായി രംഗത്തെത്തിയ സാഹചര്യത്തിലാണ് ബെൽജിയം പരിശീലകന്‍റെ വെളിപ്പെടുത്തൽ
റൊമേലു ലുക്കാക്കു
യുണൈറ്റഡിനും താരത്തിനും ക്ലബ്ബ് വിടുന്നതാണ് നല്ലത്. മികച്ച ക്ലബ്ബുകള്‍ കണ്ടെത്താന്‍ ലുക്കാക്കുവിന് സാധിക്കുമെന്നും മാര്‍ട്ടിനെസ് പറഞ്ഞു. ഇറ്റാലിയന്‍ ക്ലബ്ബായ ഇന്‍റർ മിലാൻ താരത്തിനായി രംഗത്തെത്തിയ സാഹചര്യത്തിലാണ് ബെൽജിയം പരിശീലകന്‍റെ വെളിപ്പെടുത്തൽ. അവസാന രണ്ട് സീസണുകളായി മാഞ്ചസ്റ്റര്‍ യുണൈറ്റഡിന്‍റെ താരമായ ലുക്കാക്കു കഴിഞ്ഞ സീസണിൽ ദയനീയ പ്രകടനമാണ് കാഴ്ച്ചവെച്ചത്. ഇത് യുണൈറ്റഡ് ആരാധകരില്‍ നിന്ന് താരത്തെ അകറ്റിയിരുന്നു. പരിശീലകൻ ഒലെ ഗണ്ണർ സോൾഷ്യറിന്‍റെ ശൈലി താരത്തിന് അനുയോജ്യമല്ല എന്നതും ലുക്കാക്കു മാഞ്ചസ്റ്റർ യുണൈറ്റഡ് വിടാൻ കാരണമാകും.