കിവ്:ചാമ്പ്യന്‍സ് ലീഗില്‍ സ്‌പാനിഷ് വമ്പന്‍മാരായ റയല്‍ മാഡ്രിഡിന് തിരിച്ചടി. ഗ്രൂപ്പ് ബിയിലെ പ്രീ ക്വാര്‍ട്ടര്‍ മത്സരത്തില്‍ ഷാക്‌തറിനോട് മറുപടിയില്ലാത്ത രണ്ട് ഗോളുകള്‍ക്കാണ് റയല്‍ പരാജയപ്പെട്ടത്. ഗോള്‍രഹിതമായ ആദ്യ പകുതിക്ക് ശേഷം രണ്ടാം പകുതിയിലാണ് ഇരു ഗോളുകളും പിറന്നത്. 57ാം മിനിട്ടില്‍ ഡെന്‍ടിനോയും 82ാം മിനിട്ടില്‍ സോളമനും ഷാക്‌തറിനായി വല കുലുക്കി. ജയത്തോടെ യുക്രെയിന്‍ ക്ലബ് ഷാക്‌തര്‍ പ്രീ ക്വാര്‍ട്ടര്‍ പ്രതീക്ഷകള്‍ സജീവമാക്കി. ഗ്രൂപ്പിലെ പോയിന്‍റ് പട്ടികയില്‍ ഒപ്പത്തിനൊപ്പമുള്ള റയലിനും ഷാക്‌തറിനും ഏഴ്‌ പോയിന്‍റ് വീതമാണുള്ളത്. ഇരു ടീമുകള്‍ക്കും അടുത്ത മത്സരം നിര്‍ണായകമാണ്.
കൂടുതല്‍ വായനക്ക്: ചാമ്പ്യന്‍സ് ലീഗ്: ചെമ്പട പ്രീ ക്വാര്‍ട്ടറില്‍; അയാക്‌സിന് തിരിച്ചടി