പാരീസ്: ഫ്രഞ്ച് ക്ലബ് പാരിസ് സെന്‍റ് ജെര്‍മന്‍ ക്ലബ് വേണ്ടിയുള്ള അരങ്ങേറ്റത്തിന് സെര്‍ജിയോ റാമോസ് ഇനിയും കാത്തിരിക്കേണ്ടി വരും. തുടയ്‌ക്കേറ്റ പരിക്കാണ് റയല്‍ മുന്‍ നായകന് വിനയായത്. ചൊവ്വാഴ്ച സെവിയ്യയ്‌ക്കെതിരെ നടക്കുന്ന സൗഹൃദ മത്സരത്തിന് 35കാരനായ താരമുണ്ടാവില്ലെന്ന് പിഎസ്‌ജി അറിയിച്ചു.
കഴിഞ്ഞ ആഴ്ച ക്ലബ്ബുമൊത്തുള്ള പരിശീലനത്തിനിടെയാണ് താരത്തിന് പരിക്കേറ്റത്. പരിക്കില്‍ നിന്നും റാമോസ് പൂര്‍ണമായും മുക്തനായിട്ടില്ലെന്നാണ് ക്ലബ് പ്രസ്താനയില്‍ അറിയിച്ചത്. അതേസമയം അടുത്ത ആഴ്ചയോടെ താരം പരിശീലനം പുനരാരംഭിച്ചേക്കുമെന്നും ക്ലബ് പ്രത്യാശ പ്രകടിപ്പിച്ചു.