പാരിസ്: ഫ്രഞ്ച് കപ്പ് ഫൈനലില്‍ കരുത്തരായ പിഎസ്ജിയെ അട്ടിമറിച്ച് റെനസിന് കിരീടം. ആദ്യ പകുതിയില്‍ രണ്ട് ഗോളിന് പിന്നിലായിരുന്ന റെനസ് രണ്ട് ഗോളുകള്‍ മടക്കി ഗംഭീര തിരിച്ചുവരവാണ് നടത്തിയത്. 90-ാം മിനിറ്റിൽ 2-2 എന്ന് സമനിലയിലായപ്പോള്‍ മത്സരം എക്സ്ട്രാ ടൈമിലേക്ക് നീങ്ങി. എക്സ്ട്രാ ടൈമിലും സമനിലയായതോടെ പെനാല്‍റ്റി ഷൂട്ടൗട്ടാണ് വിജയികളെ തീരുമാനിച്ചത്.
പിഎസ്ജിയെ അട്ടിമറിച്ച് റെനസിന് ഫ്രഞ്ച് കപ്പ്
പെനാല്‍റ്റി ഷൂട്ടൗട്ടിലേക്ക് നീങ്ങിയ മത്സരത്തില്‍ അഞ്ചിനെതിരെ ആറ് ഗോളുകൾക്കാണ് റെനസിന്‍റെ വിജയം.
ഫ്രഞ്ച് കപ്പ്
പിഎസ്‌ജിക്ക് 13-ാം മിനിറ്റില്‍ ഡാനി ആല്‍വസും 21-ാം മിനിറ്റില്‍ നെയ്‌മറും ലീഡ് സമ്മാനിച്ചു. എന്നാല്‍ കിംബെബെയുടെ സെൽഫ് ഗോള്‍ 40-ാം മിനിറ്റില്‍ പിഎസ്‌ജിക്ക് തിരിച്ചടിയായി. രണ്ടാംപകുതിയുടെ 66-ാം മിനിറ്റില്‍ എഡ്‌സണിന്‍റെ ഗോളില്‍ റെനസ് സമനിലപിടിച്ചു. എക്സ്ട്രാ ടൈമിന്‍റെ 118-ാം മിനിറ്റില്‍ എംബാപ്പേ ചുവപ്പ് കാര്‍ഡ് കണ്ട് പുറത്തായത് പിഎസ്‌ജിക്ക് തിരിച്ചടിയായായി. പിന്നീട് പെനാല്‍റ്റി ഷൂട്ടൗട്ടിലേക്ക് നീങ്ങിയ മത്സരത്തില്‍ റെനസ് ആറു ഗോളുകള്‍ നേടിയപ്പോള്‍ ഒരു ഗോള്‍ പാഴാക്കി പിഎസ്‌ജി തോല്‍വി ഏറ്റുവാങ്ങി.