മാഡ്രിഡ്:മെസി മാജിക്കില്‍ സ്‌പാനിഷ് ലാലിഗയില്‍ ബാഴ്‌സലോണക്ക് മുന്നേറ്റം. അത്‌ലറ്റിക്കോ മാഡ്രിഡിന് എതിരെ നടന്ന മത്സരത്തില്‍ ഏകപക്ഷീയമായ ഒരു ഗോളിന് ബാഴ്‌സ വിജയിച്ചു. മാഡ്രിഡിന്‍റ ഹോം ഗ്രൗണ്ടില്‍ നടന്ന മത്സരത്തില്‍ കളി അവസാനിക്കാന്‍ നാല് മിനിറ്റ് മാത്രം ശേഷിക്കെയായിരുന്ന ബാഴ്‌സയുടെ ഗോൾ. സുവാരിസിന്‍റെ അസിസ്റ്റില്‍ മെസി പന്ത് അത്ലറ്റിക്കോയുടെ വലയിലെത്തിച്ചു. അത്ലറ്റിക്കോയുടെ ഹോം ഗ്രൗണ്ടിലെ മെസിയുടെ ആദ്യ ഗോളാണ് ഇന്ന് പിറന്നത്.
മെസി മാജിക്; ലാലിഗയില്‍ ബാഴ്‌സ വീണ്ടും ഒന്നാമത് - ലാലിഗയില്‍ ബാഴ്‌സ വീണ്ടും ഒന്നാമത് വാർത്ത
കളി അവസാനിക്കാന്‍ നാല് മിനിറ്റ് മാത്രം ശേഷിക്കെയാണ് അത്‌ലറ്റിക്കോ മാഡ്രിഡിന് എതിരെ മെസി ഗോൾ നേടിയത്. ഇതോടെ 31 പോയിന്‍റുമായി ലാലിഗയില്‍ ബാഴ്‌സലോണ ഒന്നാം സ്ഥാനത്തേക്ക് തിരിച്ചെത്തി
മെസി
ജയത്തോടെ ലീഗിലെ പോയിന്‍റ് പട്ടികയില്‍ രണ്ടാം സ്ഥാനത്തായിരുന്ന ബാഴ്‌സലോണ വീണ്ടും ഒന്നാം സ്ഥാനത്തേക്ക് തിരിച്ചെത്തി. 14 കളികളില്‍ 31 പോയിന്‍റാണ് ബാഴ്‌സലോണക്ക് ഉള്ളത്.
14 കളികളില്‍ 31 പോയിന്‍റുമായി റെയല്‍ മാഡ്രിഡ് ഒപ്പത്തിനൊപ്പം രണ്ടാം സ്ഥാനത്തുണ്ട്. ദുർബലരായ മല്ലോർക്കെയുമായാണ് ബാഴ്‌സയുടെ അടുത്ത മത്സരം. ഞായറാഴ്ച്ച നൗക്യാമ്പില്‍ നടക്കുന്ന മത്സരത്തില്‍ ജയം നേടി ലീഗില്‍ ആധിപത്യം ഉറപ്പിക്കാനാകും ഏണസ്റ്റോ വാര്‍വെര്‍ദെയുടെ നേതൃത്വത്തിലുള്ള ബാഴ്‌സയുടെ ശ്രമം.