മാഡ്രിഡ്: സ്‌പാനിഷ് ലാലിഗയില്‍ കിരീട പോരാട്ടം കടുപ്പിച്ച് റയല്‍ മാഡ്രിഡിന് തകര്‍പ്പന്‍ ജയം. ഗ്രാനഡക്കെതിരായ ലാലിഗ പോരാട്ടത്തില്‍ നിലവിലെ ചാമ്പ്യന്‍മാര്‍ ഒന്നിനെതിരെ നാല് ഗോളുകളുടെ ജയം സ്വന്തമാക്കി. ടേബിള്‍ ടോപ്പറായ അത്‌ലറ്റിക്കോ മാഡ്രിഡുമായാണ് റയലിന്‍റെ കിരീട പോരാട്ടം. ലൂക്കാ മോഡ്രിച്ച്, റോഡ്രിഗോ, അല്‍വാരോ ഒഡ്രിയോസോള, കരീം ബെന്‍സേമ എന്നിവര്‍ റയലിനായി വല കുലുക്കി. ജോര്‍ജെ മൊളീന ഗ്രാനഡക്കായി ആശ്വാസ ഗോള്‍ സ്വന്തമാക്കി.
ജയത്തോടെ 36 മത്സരങ്ങളില്‍ നിന്നും 78 പോയിന്‍റുമായി റയലും ഇത്ര തന്നെ മത്സരങ്ങളില്‍ നിന്നുമായി 80 പോയിന്‍ുമായി അത്‌ലറ്റിക്കോ മാഡ്രിഡുമാണ് പോയിന്‍റ് പട്ടികയില്‍ ഒന്നും രണ്ടും സ്ഥാനങ്ങളില്‍. തുടര്‍ച്ചയായ രണ്ട് മത്സരങ്ങളില്‍ പരാജയപ്പെട്ട് 76 പോയിന്‍റുമായി മൂന്നാം സ്ഥനത്തുള്ള ബാഴ്‌സലോണയുടെ കിരീട പ്രതീക്ഷകള്‍ മങ്ങിയിട്ടുണ്ട്.