പാനാജി: അധികസമയത്ത് നായകന്‍ റോയ് കൃഷ്‌ണയിലൂടെ ഐഎസ്‌എല്ലില്‍ തുടര്‍ച്ചയായി മൂന്നാം ജയം സ്വന്തമാക്കി എടികെ മോഹന്‍ബഗാന്‍. ഫത്തോര്‍ഡ സ്റ്റേഡിയത്തില്‍ നടന്ന പോരാട്ടത്തില്‍ ഒഡീഷ എഫ്‌സിയെ മറുപടിയില്ലാത്ത ഒരു ഗോളിനാണ് എടികെ പരാജയപ്പെടുത്തിയത്. നിശ്ചിത സമയത്ത് ഗോള്‍രഹിതമായ അവസാനിച്ച മത്സരത്തില്‍ ഒരു മിനിട്ട് മാത്രം ശേഷിക്കെയാണ് റോയ് കൃഷ്‌ണ ഒഡീഷയുടെ വല കുലുക്കിയത്. പ്രതിരോധ താരം സന്ദേശ് ജിങ്കന്‍റെ അസിസ്റ്റില്‍ ഹെഡറിലൂടെയാണ് ഫിജിയന്‍ മുന്നേറ്റ താരം പന്ത് വലയിലെത്തിച്ചത്.
ഐഎസ്‌എല്‍: റോയ് കൃഷ്‌ണ രക്ഷകനായി; ഹാട്രിക് ജയവുമായി എടികെ - atk first news
അധിസമയത്ത് മത്സരം അവസാനിക്കാന്‍ നിമിഷങ്ങള്‍ മാത്രം ശേഷിക്കെ മുന്നേറ്റ താരം റോയ് കൃഷ്‌ണയിലൂടെ ഗോള്‍ സ്വന്തമാക്കിയ എടികെ മോഹന്‍ബഗാന്‍ പോയിന്‍റ് പട്ടികയില്‍ ഒന്നാം സ്ഥാനത്തേക്ക് ഉയര്‍ന്നു
റോയ് കൃഷ്‌ണ
ജയത്തോടെ ഇന്ത്യന്‍ സൂപ്പര്‍ ലീഗിലെ പോയിന്‍റ് പട്ടികയില്‍ എടികെ മോഹന്‍ ബഗാന്‍ ഒന്നാം സ്ഥാനത്തേക്ക് ഉയര്‍ന്നു. തുടര്‍ച്ചയായ മൂന്ന് മത്സരങ്ങള്‍ ജയിച്ച എടികെക്ക് ഒമ്പത് പോയിന്‍റാണുള്ളത്. മറുവശത്ത് മൂന്ന് മത്സരങ്ങളില്‍ നിന്നും ഒരു സമനിലയും രണ്ട് പരാജയങ്ങളുമായി ഒഡീഷ എഫ്‌സി 10ാം സ്ഥാനത്താണ്.
എടികെ മോഹന്‍ബഗാന്‍ ഈ മാസം ഏഴിന് നടക്കുന്ന ലീഗിലെ അടുത്ത മത്സരത്തില്‍ ജംഷഡ്‌പൂര്‍ എഫ്‌സിയെ നേരിടും. ഈ മാസം ആറിന് നടക്കുന്ന അടുത്ത മത്സരത്തില്‍ മുംബൈ സിറ്റി എഫ്‌സിയാണ് ഒഡീഷയുടെ എതിരാളികള്‍.