മുംബൈ:മുംബൈയെ പരാജയപ്പെടുത്തി എടികെ വീണ്ടും ഐഎസ്എല്‍ പോയിന്‍റ് പട്ടികയില്‍ ഒന്നാമത്. മറുപടിയില്ലാത്ത രണ്ട് ഗോളുകൾക്കാണ് മുംബൈ സിറ്റി എഫ്‌സിയെ കൊല്‍ക്കത്ത പരാജയപ്പെടുത്തിയത്. ഇരു ടീമകളുടെയും പുതുവർഷത്തെ ആദ്യ മത്സരമായിരുന്നു മുംബൈയുടെ ഹോം ഗ്രൗണ്ടില്‍ ഇന്നലെ നടന്നത്. 29-ാം മിനുട്ടില്‍ മധ്യനിര താരം പ്രോനെ ഹാല്‍ദറും 43-ാം മിനുട്ടില്‍ പകരക്കാരനായി ഇറങ്ങിയ മൈക്കല്‍ സൂസൈരാജുമാണ് കൊല്‍ക്കത്തക്കായി ഗോൾ നേടിയത്. ഇതോടെ ആറ് മത്സരങ്ങളിലായി മുംബൈ നടത്തുന്ന അപരാജിത കുതിപ്പിനും അവസാനമായി. തുടക്കത്തിലെ ഇരു ടീമുകളും ആക്രമണ ഫുട്‌ബോളാണ് പുറത്തെടുത്തത്. പക്ഷെ അവസരങ്ങളൊന്നും വലയിലെത്തിക്കാന്‍ മുംബൈക്കായില്ല.
പുതുവർഷത്തില്‍ ജയത്തോടെ തുടങ്ങി എടികെ
മുംബൈക്കെതിരെ മറുപടിയില്ലാത്ത രണ്ട് ഗോളുകളുടെ വിജയം സ്വന്തമാക്കി കൊല്‍ക്കത്ത
എടികെ
എഫ്‌സി ഗോവയാണ് പോയിന്‍റ് പട്ടികയില്‍ രണ്ടാമത്. 21പോയിന്‍റ് വീതമുള്ള ഇരു ടീമുകളും ഒപ്പത്തിനൊപ്പമാണ്. 19 പോയിന്‍റുമായി നിലവിലെ ചാമ്പ്യന്‍മാരായ ബംഗളൂരു എഫ്‌സിയാണ് പട്ടികയില്‍ മൂന്നാമത്. മുംബൈ 11-ാം തീയ്യതി നടക്കുന്ന അടുത്ത മത്സരത്തില്‍ ഒഡീഷ എഫ്‌സിയെ നേരിടും. മുന്‍ ചാമ്പ്യന്‍മാരായ എടികെ 12-ാം തീയ്യതി നടക്കുന്ന അടുത്ത മത്സരത്തില്‍ കേരളാ ബ്ലാസ്‌റ്റേഴ്‌സിനെ നേരിടും.