കൊച്ചി:ഇന്ത്യൻ സൂപ്പർ ലീഗ് ഫുട്ബോൾ ടീം കേരള ബ്ലാസ്‌റ്റേഴ്‌സ് പുതിയ ക്യാപ്റ്റനെ പ്രഖ്യാപിച്ചു. പ്രതിരോധ താരം ജെസൽ കാർനെയ്റോയാണ് പുതിയ സീസണിൽ ടീമിനെ നയിക്കുക. ട്വിറ്ററിലൂടെയാണ് ക്ലബ്ബ് ഇക്കാര്യം ഔദ്യോഗികമായി പ്രഖ്യാപിച്ചത്.
31കാരനായ താരം കഴിഞ്ഞ സീസണില്‍ ടീമിന്‍റെ വൈസ് ക്യാപ്റ്റനായിരുന്നു. സീസണില്‍ 16 മത്സരങ്ങളിൽ കളിച്ച ജെസൽ ഒമ്പത് തവണ ക്യാപ്റ്റന്റെ ആംബാൻഡ് ധരിച്ചിട്ടുണ്ട്. കഴിഞ്ഞ രണ്ടു സീസണുകളിൽ ബ്ലാസ്‌റ്റേഴ്‌സിനായി 34 മത്സരങ്ങളിൽ ജെസൽ ബൂട്ട് കെട്ടിയിട്ടുണ്ട്.
also read:കേരളക്കാരനായതിലും ഖേൽരത്‌ന പുരസ്കാര നേട്ടത്തിലും അഭിമാനം: പി.ആര്‍ ശ്രീജേഷ്
അതേസമയം നവംബര്‍ 19നാണ് ഇന്ത്യൻ സൂപ്പർ ലീഗിന്‍റെ പുതിയ സീസണ്‍ ആരംഭിക്കുക. ഫത്തോർഡ സ്റ്റേഡിയത്തിൽ നടക്കുന്ന ഉത്‌ഘാനട മത്സരത്തില്‍ ബ്ലാസ്‌റ്റേഴ്‌സ് എ.ടി.കെ മോഹൻ ബഗാനെ നേരിടും.