മാഡ്രിഡ് : സ്‌പാനിഷ് ക്ലബ് റയൽ മാഡ്രിഡിൽ കൊവിഡ് പിടിമുറുക്കുന്നു. കഴിഞ്ഞ ദിവസം നടത്തിയ പരിശോധനയിലാണ് ക്ലബ്ബിലെ കൂടുതൽ താരങ്ങൾക്ക് രോഗം സ്ഥിരീകരിച്ചത്. ഡേവിഡ് അലാബ, ഇസ്‌കോ എന്നിവര്‍ക്കാണ് പുതുതായി രോഗം സ്ഥിരീകരിച്ചിരിക്കുന്നത്.
നേരത്തെ ബുധനാഴ്‌ച നടത്തിയ പരിശോധനയിൽ റയലിലെ ലൂക്ക മോഡ്രിച്ച്, മാഴ്‌സെലോ, മാർക്കൊ അസെൻസിയോ, ഗാരെത് ബെയ്‌ൽ, ആന്ദ്രെ ലൂനിൻ, റാഡ്രിഗോ എന്നീ താരങ്ങൾക്കും കൊവിഡ് സ്ഥിരീകരിച്ചിരുന്നു. ഇവരെ കൂടാതെ ടീമിന്‍റെ ഫസ്റ്റ് അസിസ്റ്റന്‍റ് മാനേജർക്കും രോഗബാധയുണ്ട്.
രോഗം സ്ഥിരീകരിച്ചിട്ടുള്ള താരങ്ങളെല്ലാം സ്‌പാനിഷ് ഗവൺമെന്‍റിന്‍റെ പ്രോട്ടോക്കോൾ അനുസരിച്ച് പരിശോധനാഫലം നെഗറ്റീവ് ആകുന്നതുവരെ ക്വാറന്‍റൈനിൽ കഴിയും. ബുധനാഴ്‌ച അത്‌ലറ്റിക്കോ ബില്‍ബാവോയെ നേരിടുന്ന റയല്‍ ടീമില്‍ ഇവരാരും ഉണ്ടാകില്ല.