ഇറ്റാലിയൻ ക്ലബ്ബ് ഇന്‍റർ മിലാൻ മൗറോ ഇക്കാർഡിയെ ക്യാപ്റ്റൻ സ്ഥാനത്തു നിന്ന് നീക്കി. ഗോൾകീപ്പർ സാമിർ ഹാൻഡനോവിച്ചാണ് പുതിയ നായകന്‍. ഇന്‍ററുമായുള്ള കരാർ പുതുക്കാത്തതിനെ തുടർന്നാണ് ടീം മാനേജ്മെന്‍റിന്‍റെ ഈ നടപടി.
ഇക്കാർഡിയെ ക്യാപ്റ്റൻ സ്ഥാനത്തുനിന്ന് മാറ്റി ഇന്‍റർ മിലാൻ
ക്ലബ്ബുമായുള്ള കരാർ പുതുക്കാത്തതിനെ തുടർന്നാണ് ടീം മാനേജ്മെന്‍റിന്‍റെ നടപടി. എന്നാൽ നായക സ്ഥാനത്തു നിന്ന് നീക്കിയ നടപടിയിൽ പ്രതിഷേധിച്ച് യൂറോപ്പ ലീഗിൽ കളിക്കില്ലെന്ന് ഇക്കാർഡി പരിശീലകനെ അറിയിച്ചു.
മൗറോ ഇക്കാർഡി
ലീഗിൽ ഒന്നാം സ്ഥാനത്തുള്ള യുവന്‍റസിനേക്കാൾ ഇരുപത് പോയിന്‍റ് പിന്നിലുള്ള ഇന്‍റർ മൂന്നാം സ്ഥാനത്താണിപ്പോൾ. നഗരവൈരികളായ എ.സി മിലാനേക്കാൾ അഞ്ച് പോയിന്‍റ് മുന്നിലാണ് എന്നത് മാത്രമാണ് ഇന്‍ററിന് ആശ്വസിക്കാനുള്ളത്.