ലണ്ടന്‍; മാഞ്ചസ്റ്റര്‍ സിറ്റിയെ തറപറ്റിച്ച് ചെല്‍സി എഫ്‌എ കപ്പ് ഫൈനലില്‍. രണ്ടാം പകുതിയില്‍ ഹക്കീം സിയച്ച് നീലപ്പടക്കായി വല കുലുക്കി. നീലപ്പടയുടെ ജര്‍മന്‍ സെന്‍റര്‍ ഫോര്‍വേഡ് ടിമോ വെര്‍ണര്‍ ഇടത് വിങ്ങിലൂടെ നല്‍കിയ പാസാണ് സിയച്ച് വലയിലെത്തിച്ചത്.
സിയച്ചിലൂടെ ചെല്‍സി ആദ്യപകുതിയിലും വല കുലുക്കിയെങ്കിലും ഓഫ്‌സൈഡ് വിളിച്ചതോടെ റഫറി ഗോള്‍ അനുവദിച്ചില്ല. പിന്നാലെ ലഭിച്ച സുവര്‍ണാവസരം ബെന്‍ ചില്‍വെല്‍ പാഴാക്കി കളഞ്ഞു. ഇംഗ്ലീഷ് റൈറ്റ് ബാക്ക് ജെയിംസി നല്‍കിയ ക്രോസ് പാസ് ഗോള്‍ പോസ്റ്റിന് പുറത്തേക്കടിച്ചാണ് ചില്‍വെല്‍ പാഴാക്കിയത്.