റോം: യൂറോ കപ്പ് പോരാട്ടത്തിലെ ഇറ്റലിയുടെ തേരോട്ടത്തിന് തടയിടാൻ വെയ്‌ല്‍സിനുമായില്ല. തുടര്‍ച്ചയായ മൂന്നാം ജയത്തോടെ ഗ്രൂപ്പ് എ യില്‍ നിന്ന് ഇറ്റലി പ്രീ ക്വാർട്ടർ യോഗ്യത നേടി. എതിരില്ലാത്ത ഒരു ഗോളിനായിരുന്നു ഇറ്റലിയുടെ ജയം. തോറ്റെങ്കിലും വെയ്‌ല്‍സും പ്രീ ക്വാർട്ടര്‍ യോഗ്യത നേടി. മൂന്നാം സ്ഥാനത്തുള്ള സ്വിറ്റ്‌സർലന്‍ഡുമായി ഒരേ പോയന്‍റാണെങ്കിലും ഗോള്‍ വ്യത്യാസത്തിലെ മുൻ തൂക്കമാണ് വെയ്‌ൽസിന് തുണയായത്.
39 ആം മിനുട്ടില്‍ മാറ്റിയോ പെസിനയാണ് മത്സരത്തിലെ ഏക ഗോള്‍ നേടിയത്. പ്രതീക്ഷിച്ചത് പോലെ ഏകപക്ഷീയമായ മത്സമായിരുന്നു അരങ്ങേറിയത്. 55ആം മിനുട്ടില്‍ ഏഥൻ അംപഡു ചുവപ്പ് കാർഡ് കണ്ട് പുറത്ത് പോയതും വെല്‍സിന് തിരിച്ചടിയായി.