ബുഡാപെസ്റ്റ്: യൂറോ കപ്പിലെ മരണ ഗ്രൂപ്പായ എഫില്‍ നടന്ന മത്സരത്തില്‍ ലോകകപ്പ് ജേതാക്കളായ ഫ്രാന്‍സിനെ സമനിലയില്‍ തളച്ച് ഹംഗറി. സ്വന്തം തട്ടകമായ പുഷ്‌കാസ് അറീനയിൽ കളിയുടെ ആദ്യ പകുതിയുടെ അവസാന മിനുട്ടില്‍ (45+2) അറ്റില ഫിയോളയാണ് ഹംഗറിക്കായി ഗോള്‍ കണ്ടെത്തിയത്.
പന്ത് ക്ലിയര്‍ ചെയ്യുന്നതില്‍ ഫ്രാന്‍സിന്‍റെ പ്രതിരോധ താരം ബെഞ്ചമിന്‍ പവാര്‍ഡ് വരുത്തിയ പിഴവാണ് ഗോളിന് വഴിയൊരുക്കിയത്. അതേസമയം രണ്ടാം പകുതിയിലെ 66ാം മിനുട്ടില്‍ അന്‍റോയ്ന്‍ ഗ്രീസ്മാനാണ് ഫ്രാന്‍സിന്‍റെ സമനില ഗോള്‍ കണ്ടെത്തിയത്.