കോപ്പന്‍ഹേഗന്‍ : യൂറോ കപ്പിലെ ഇന്നത്തെ രണ്ടാം മത്സരത്തില്‍ ഡെൻമാർക്ക് ബെൽജിയത്തെ നേരിടും. ഫിൻലാൻഡിനെതിരെയുള്ള മത്സരത്തിനിടെ കുഴഞ്ഞുവീണ എറിക്‌സണിന്‍റെ ദുരിതത്തിന് മുന്നിൽ പകച്ചുപോയ ഡെൻമാർക്കിന് നേരിടേണ്ടി വന്നത് തോൽവിയാണ്.
തങ്ങളുടെ മണ്ണില്‍ നടക്കുന്ന മത്സരം ചികിത്സയില്‍ തുടരുന്ന ക്രിസ്റ്റ്യന്‍ എറിക്സണിന് വേണ്ടി ജയിക്കുകയെന്നതാകും ഡെൻമാർക്കിന്റെ ലക്ഷ്യം. ഇന്ത്യൻ സമയം രാത്രി 9:30 ന് കോപ്പന്‍ഹേഗനിലെ പാർക്കൻ സ്റ്റേഡിയത്തിലാണ് മത്സരം.