ലണ്ടന്‍ :യൂറോ കപ്പിനുള്ള ഇംഗ്ലണ്ടിന്‍റെ താല്‍ക്കാലിക ടീമിനെ പ്രഖ്യാപിച്ച് പരിശീലകന്‍ ഗാരെത്ത് സൗത്ത്ഗേറ്റ്. 33 അംഗ ടീമിനെയാണ് പ്രഖ്യാപിച്ചിരിക്കുന്നത്. മാര്‍ച്ചിലെ ലോകകപ്പ് ക്വാളിഫയറില്‍ നിന്നും ഒഴിവാക്കപ്പെട്ട അലക്സാണ്ടർ അർനോൾഡിനെ താല്‍ക്കാലിക ടീമില്‍ ഉള്‍പ്പെടുത്തിയിട്ടുണ്ട്.
കൊവിഡ് സാഹചര്യത്തില്‍ ഒരു ടീമില്‍ 26 അംഗങ്ങളെയാണ് ഉള്‍പ്പെടുത്താനാവുക. ഇതോടെ എഴ് കളിക്കാരെ ഗാരെത്തിന് പുറത്താക്കേണ്ടി വരും. ജൂണ്‍ ഒന്നിനാണ് ടീമിന്‍റെ അന്തിമ പ്രഖ്യാപനമുണ്ടാവുക. ബെൻ വൈറ്റ്, ബെൻ ഗോഡ്ഫ്രെ, ആരോൺ റാംസ്‌ഡേൽ എന്നിവരെ ആദ്യമായി ടീമില്‍ ഉള്‍പ്പെടുത്തിയിട്ടുണ്ട്.