മലപ്പുറം: മലപ്പുറത്തുകാരുടെ വികാരങ്ങളിലൊന്നാണ് ഫുട്ബോള്‍. കോപ്പയും യൂറോ കപ്പുമെല്ലാം മൈലുകള്‍ക്കപ്പുറമാണ് അരങ്ങേറുന്നതെങ്കിലും ചൂട് മലപ്പുറത്തുകാരുടെ നെഞ്ചിലുണ്ടാവാറുണ്ട്. ഇത്തവണ ലാറ്റിനമേരിക്കന്‍ കിരീടത്തിനായി ബ്രസീലും അർജന്‍റീനയും കളത്തിലിറങ്ങുമ്പോള്‍ ആവേശം തെല്ലൊന്ന് കൂടുതലാണ് ഇക്കൂട്ടര്‍ക്ക്.
ഫുട്ബോള്‍ പ്രേമികള്‍ക്ക് ആവേശം പകര്‍ന്ന് വീട്ട് ചുമരിലെ മെസിയും നെയ്മറും
സ്വപ്ന ഫൈനലിന് കളമൊരുങ്ങിയതോടെ ചേരി തിരിഞ്ഞുള്ള തീപാറുന്ന ചര്‍ച്ചകളും സജീവം. എന്നാല്‍ ഇരു കൂട്ടര്‍ക്കും ആവേശം പകരുകയാണ് ഉദയൻ എടപ്പാളിന്‍റെ സ്പീഡ് പെയിൻിങ്. അര്‍ജന്‍റീനയുടെ ആരാധകനാണെങ്കിലും സ്വന്തം വീട്ട് ചുമരില്‍ മെസിയോടൊപ്പം നെയ്മറിന്‍റേയും ചിത്രം ഉദയന്‍ വരച്ചിട്ടുണ്ട്.