റിയോ ഡി ജനീറോ: കോപ്പ അമേരിക്ക ഫുട്ബോള്‍ ടൂര്‍ണമെന്‍റിന്‍റെ ഫൈനലില്‍ അര്‍ജന്‍റീനയെ നേരിടാനാണ് ആഗ്രഹമെന്ന് ബ്രസീൽ സൂപ്പർ സ്റ്റാര്‍ നെയ്മർ. ഇന്ന് പുലർച്ചെ നടന്ന ആദ്യ സെമിയിൽ പെറുവിനെ തോൽപ്പിച്ച് ഫൈനലിലെത്തിയതിന് ശേഷമാണ് നെയ്മര്‍ നയം വ്യക്തമാക്കിയത്.
‘അര്‍ജന്‍റീനയെ ഫൈനലിൽ എതിരാളികളായി ലഭിക്കണമെന്നാണ് ഞാന്‍ ആഗ്രഹിക്കുന്നത്. അര്‍ജന്‍റീനന്‍ ടീമിൽ എനിക്ക് ഏറെ സുഹൃത്തുക്കളുണ്ട്. ഇക്കാരണത്താലാണ് ഞാൻ അവരെ പിന്തുണയ്ക്കുന്നത്. ബ്രസീൽ തന്നെ ഫൈനലിൽ ജയിക്കും’ നെയ്മർ പറഞ്ഞു.