ബ്രസീലിയ: കൊളംബിയക്കെതിരായ സെമിഫൈനല്‍ മത്സരം അര്‍ജന്‍റീന്‍ ക്യാപ്റ്റന്‍ ലയണല്‍ മെസി പൂര്‍ത്തിയാക്കിയത് വേദനയോടു കൂടി മല്ലിട്ട്. കൊളംബിയന്‍ താരങ്ങളുടെ പരിക്കന്‍ അടവുകള്‍ക്ക് നിരന്തരം ഇരയായ താരം ചോരയൊലിക്കുന്ന കാലുമായാണ് കളിക്കളത്തില്‍ പന്ത് തട്ടിയത്.
മെസിയുടെ കണങ്കാലില്‍ നിന്നും ചോരയൊലിക്കുന്ന ചിത്രം ഇതിനോടകം തന്നെ സോഷ്യല്‍ മീഡിയയില്‍ വൈറലാണ്. അതേസമയം മത്സരത്തില്‍ കൊളംബിയയെ പെനാല്‍റ്റി ഷൂട്ടൗട്ടില്‍ തോല്‍പിച്ച് അ‍ര്‍ജന്‍റീന ജയം പിടിച്ചിരുന്നു. ഗോള്‍കീപ്പര്‍ എമിലിയാനോ മാ‍ര്‍ട്ടിനസിന്‍റെ തകര്‍പ്പന്‍ പ്രകനമാണ് അര്‍ജന്‍റീനക്ക് ജയം സമ്മാനിച്ചത്.