റിയോ ഡിജനീറോ:ഒളിമ്പിക് സ്റ്റേഡിയത്തിലെ കോപ്പ അമേരിക്ക പോരാട്ടത്തില്‍ പെറുവിനെ എതിരില്ലാത്ത നാല് ഗോളുകൾക്ക് തോല്‍പ്പിച്ച് ബ്രസീലിന്‍റെ മുന്നേറ്റം. ഗബ്രിയല്‍ ജസൂസിന്‍റെ അസിസ്റ്റില്‍ അലക്‌സ് സാന്‍ഡ്രോയാണ് ആദ്യം കാനറികൾക്ക് വേണ്ടി വല കുലുക്കിയത്. ആദ്യ പകുതിയുടെ 12-ാം മിനിട്ടിലാണ് സാന്‍ഡ്രോ ഗോള്‍ പോസ്റ്റിന്‍റെ വലത് മൂലയിലേക്ക് വെടി ഉതിര്‍ത്തത്. ആദ്യ പകുതിയില്‍ തുടര്‍ന്നും കാനറികള്‍ മുന്നേറ്റം നടത്തിയെങ്കിലും ഒന്നും വലയിലെത്തിക്കാന്‍ സാധിച്ചില്ല.
രണ്ടാം പകുതിയുടെ 61 മിനിറ്റില്‍ പെനാല്‍ട്ടിയിലൂടെ ബ്രസീല്‍ ലീഡ് ഉയര്‍ത്തുമെന്ന് കരുതിയെങ്കിലും റഫറി വാറിലൂടെ പെനാല്‍ട്ടി നിഷേധിച്ചു. പിന്നാലെ മധ്യനിരയില്‍ നിന്നും ഫ്രഡ് നല്‍കിയ അസിസ്റ്റിലൂടെ സൂപ്പര്‍ ഫോര്‍വേഡ് നെയ്‌മര്‍ ഗോള്‍ സ്വന്തമാക്കി. ബോക്‌സിന് മുന്നില്‍ നിന്നും തൊടുത്ത പന്ത് ഗോള്‍ പോസ്റ്റിന്‍റെ ഇടത് മൂലയിലാണ് ചെന്ന് പതിച്ചത്.