കോപ്പയില്‍ അർജന്‍റീനയ്ക്ക് ജയം, പ്രീക്വാർട്ടർ ഉറപ്പിച്ചു

മത്സരത്തിന്‍റെ ആദ്യ പകുതിയിൽ ആധിപത്യം അർജന്‍റീനക്കായിരുന്നു. മത്സരം തുടങ്ങി ആദ്യ മിനിറ്റിൽ തന്നെ അർജന്‍റീന പരാഗ്വേയെ പരീക്ഷിച്ചു കൊണ്ടിരുന്നു.

ബ്രസീലിയ: കോപ്പ അമേരിക്കയിൽ പരാഗ്വേയെ പരാജയപ്പെടുത്തി അർജന്‍റീന പ്രീക്വാർട്ടറിൽ പ്രവേശിച്ചു. എതിരില്ലാത്ത ഒരു ഗോളിനാണ് അർജന്‍റീനയുടെ ജയം. മത്സരത്തിന്‍റെ പത്താം മിനിറ്റിൽ അലഹാൻഡ്രോ ഡാരിയോ ഗോമസിന്‍റെതായിരുന്നു അർജന്‍റീനയുടെ വിജയ ഗോൾ.

അർജന്‍റീനയുടെ ഏക ഗോൾ പിറക്കുന്നു

മത്സരത്തിന്‍റെ ആദ്യ പകുതിയിൽ ആധിപത്യം അർജന്‍റീനക്കായിരുന്നു. മത്സരം തുടങ്ങി ആദ്യ മിനിറ്റിൽ തന്നെ അർജന്‍റീന പരാഗ്വേയെ പരീക്ഷിച്ചു കൊണ്ടിരുന്നു. ഏഴാം മിനിറ്റിൽ അർജന്‍റീനക്കും എട്ടാം മിനിറ്റിൽ പരാഗ്വേയ്ക്കും ലീഡിനുള്ള അവസരം ലഭിച്ചുവെങ്കിലും മുതലാക്കുവാനായില്ല, പക്ഷെ 10-ാം മിനിറ്റിൽ മെസ്സി നൽകിയ പാസ് കൈക്കലാക്കിയ ഡി മരിയ പരാഗ്വേ പ്രതിരോധ നിരക്കിടയിലുടെ നൽകിയ അളന്നു മുറിച്ച പാസിൽ നിന്ന് ഗോമസ് ഗോൾ കണ്ടെത്തുകയായിരുന്നു.

പരാഗ്വേയ്ക്ക് ഇടയ്ക്ക് ഗോളവസരങ്ങൾ ലഭിച്ചു കൊണ്ടിരുന്നുവെങ്കിലും അർജന്‍റീനയിയൻ പ്രതിരോധവും ഗോളിയും അവരെ തടസ്സപ്പെടുത്തി കൊണ്ടിരുന്നു.17-ാം മിനിറ്റിൽ മെസ്സിക്ക് ഒരു പെനാൽറ്റിക്കുള്ള അവസരം ലഭിച്ചുവെങ്കിലും പോസ്റ്റിനെ തോട്ടു തോട്ടില്ലന്ന മട്ടിൽ പന്ത് പുറത്തേക്ക് പോയി.ഇതിനിടയ്ക്ക് പരാഗ്വേയുടെ പിഴവിൽ നിന്ന് ഒരു സെൽഫ് ഗോളിന് വഴിവെക്കെണ്ട സാഹചര്യമുണ്ടായിരുന്നു,പക്ഷെ വാർ പരിശോധനയിൽ ഗോൾ നിരസിച്ചു.കളിയുടെ ആദ്യ പകുതി അങ്ങനെ അർജന്‍റീനയുടെ മേധാവിത്വത്തോടും ലീഡോടും കുടെ അവസാനിച്ചു.

പരാഗ്വേ കളം നിറയുന്നു, പക്ഷെ ഗോളില്ല

ആദ്യ പകുതിയിലെ അർജന്‍റീനയുടെ ലീഡോടെ രണ്ടാം പകുതിയിൽ പരാഗ്വേ ഉണർന്ന് കളിച്ചു.ഗോളെന്നുറച്ച നിരവധി അവസരങ്ങൾ പരാഗ്വയ്ക്ക് സൃഷ്ഠിക്കാനായി. മീഗൽ അൽമിരോണിന്‍റെ വേഗത അർജന്‍റീനക്ക് പലപ്പോഴും തലവേദനയുണ്ടാക്കി.പക്ഷെ മികച്ച ഒരു ഫിനീഷിങിന്‍റെ അപാകത പരാഗ്വേയെ അലട്ടികൊണ്ടിരുന്നു.

സീസണിലെ രണ്ടാം ജയമാണ് അർജന്‍റീനയുടെത്.ഒരു ജയവും ഒരു സമനിലയുമാണ് മെസ്സിയുടെ കൂട്ടുകാർക്കുള്ളത്.ഇതോടെ ഏഴ് പോയിന്‍റോടെ ഗ്രൂപ്പിലെ ഒന്നാം സ്ഥാനക്കാരാണ് അർജന്‍റീന.പാരാഗ്വേ മൂന്നാം സ്ഥാനക്കാരാണ്.ബൊളീവിയക്കെതിരെയാണ് അർജന്‍റീനയുടെ അടുത്ത മത്സരം.