റിയോ ഡിജനീറോ :കോപ്പയിലെ ചങ്ക് ബ്രോസിന്‍റെ പോരാട്ടത്തില്‍ ജയം സ്വന്തമാക്കി മെസിയും കൂട്ടരും. യുറുഗ്വായ്‌ക്കെതിരായ മത്സരത്തില്‍ എതിരില്ലാത്ത ഒരു ഗോളിനാണ് അര്‍ജന്‍റീനയുടെ ജയം. ആദ്യ പകുതിയുടെ 13-ാം മിനിട്ടില്‍ ഹെഡറിലൂടെ മിഡ്‌ഫീല്‍ഡര്‍ റോഡ്രിഗസാണ് വിജയ ഗോള്‍ കണ്ടെത്തിയത്. മെസിയുടെ അസിസ്റ്റിലായിരുന്നു ഗോള്‍.
മെസിയും സുവാരസും തമ്മിലുള്ള സൗഹൃദം കൗതുകം നിറച്ച മത്സരത്തില്‍ അര്‍ജന്‍റീന തകര്‍പ്പന്‍ പ്രകടനമാണ് പുറത്തെടുത്തത്. മെസിയും കൂട്ടരും ആറ് ഷോട്ടുകള്‍ ലക്ഷ്യത്തിലേക്ക് ഉതിര്‍ത്തപ്പോള്‍ സുവാരസും എഡിസണ്‍ കവാനിയും ചേര്‍ന്ന യുറുഗ്വായ് മുന്നേറ്റത്തിന് ഒരു തവണ പോലും അര്‍ജന്‍റീനയുടെ ഗോള്‍ മുഖത്തേക്ക് എത്താനായില്ല.