പോർട്ടോ: യുവേഫ നേഷൻസ് ലീഗ് സെമിഫൈനലില്‍ പോർച്ചുഗലിനായി ക്രിസ്റ്റ്യാനോ റൊണാൾഡോ കളിക്കുമെന്ന് പരിശീലകൻ ഫെർണാണ്ടോ സാന്‍റോസ്. ജൂൺ അഞ്ചിന് നടക്കുന്ന സെമിയില്‍ സ്വിറ്റ്സർലൻഡാണ് പോർച്ചുഗലിന്‍റെ എതിരാളികൾ.
നേഷൻസ് ലീഗ് ഫൈനലില്‍ റൊണാൾഡോ പോർച്ചുഗലിനായി കളിക്കും - പോർച്ചുഗല്‍
സെമിയില്‍ സ്വിറ്റ്സർലൻഡാണ് പോർച്ചുഗലിന്‍റെ എതിരാളികൾ
നേഷൻസ് ലീഗ് ഫൈനലില്‍ റൊണാൾഡോ പോർച്ചുഗലിനായി കളിക്കും
ലോകകപ്പില്‍ പോർച്ചുഗല്‍ പ്രീക്വാർട്ടറില്‍ പുറത്തായതിന് ശേഷം ഏറെ നാൾ റൊണാൾഡോ ടീമില്‍ കളിച്ചിരുന്നില്ല. തുടർന്ന് മാർച്ചില്‍ നടന്ന മത്സരങ്ങളില്‍ റൊണാൾഡോ ടീമില്‍ തിരിച്ചെത്തിയെങ്കിലും ആദ്യ മത്സരത്തില്‍ തന്നെ പരിക്കേറ്റ് പുറത്തുപോയി. നേരത്തെ നേഷൻസ് ലീഗിന്‍റെ ഗ്രൂപ്പ് മത്സരങ്ങളില്‍ റൊണാൾഡോ കളിച്ചിട്ടുണ്ടായിരുന്നില്ല. എന്നാല്‍ സ്വിസ് പടയ്ക്കെതിരായ സെമിയില്‍ ക്രിസ്റ്റ്യാനോ കളിക്കുമെന്ന് സാന്‍റോസ് ഉറപ്പ് പറഞ്ഞത് ആരാധകരെ ആവേശത്തിലാഴ്ത്തി. സെമിയില്‍ ജയിച്ചാല്‍ ഇംഗ്ലണ്ടോ നെതർലൻഡ്സോ ആകും ഫൈനലില്‍ പറങ്കിപ്പടയുടെ എതിരാളികൾ. ജൂൺ ഒമ്പതിന് പോർച്ചുഗലിലെ പോർട്ടോയിലാണ് ഫൈനല്‍.