ലണ്ടൻ :ചാമ്പ്യൻസ് ലീഗിൽ പോർട്ടോക്കെതിരായ മത്സരത്തിൽ തകർപ്പൻ വിജയം സ്വന്തമാക്കി ലിവർപൂൾ. ഒന്നിനെതിരെ അഞ്ച് ഗോളുകളുടെ വിജയമാണ് ലിവർപൂൾ സ്വന്തമാക്കിയത്. മുഹമ്മദ് സലാ, റോബർട്ടോ ഫിർമിനോ എന്നിവർ ഇരട്ടഗോളുമായി തിളങ്ങിയപ്പോൾ സാഡിയോ മാനെ ഒരു ഗോൾ നേടി. മെഹ്ദി തരേമിയാണ് പോർട്ടോയുടെ ആശ്വാസ ഗോൾ നേടിയത്.
18, 60 മിനിട്ടുകളിലാണ് സലായുടെ ഗോൾ നേട്ടം. 45-ാം മിനിട്ടിലാണ് മാനെ ഗോൾ നേടിയത്. 74-ാം മിനിട്ടില്‍ മെഹ്ദി തരേമി പോർട്ടോക്കായി ഗോൾ മടക്കിയെങ്കിലും 77, 81 മിനിട്ടുകളില്‍ ഫിർമിനോ രണ്ട് ഗോളുകൾ കൂടി നേടി പോർട്ടോയുടെ നട്ടെല്ലൊടിച്ചു.