പാരീസ്; ചാമ്പ്യന്‍സ് ട്രോഫി സെമി ഫൈനലില്‍ പോരാട്ടം കനക്കും. കഴിഞ്ഞ തവണത്തെ റണ്ണറപ്പായ പിഎസ്‌ജിയും പ്രീമിയര്‍ ലീഗിലെ കരുത്തരായ മാഞ്ചസ്റ്റര്‍ സിറ്റിയും നേര്‍ക്കുനേര്‍ വരുന്നു. സ്‌പാനിഷ് പരിശീലകന്‍ പെപ്പ് ഗാര്‍ഡിയോളക്ക് കീഴില്‍ പ്രഥമ ചാമ്പ്യന്‍സ് ലീഗ് കിരീടം ലക്ഷ്യമിട്ടാണ് സിറ്റി പാരീസിലേക്ക് എത്തിയിരിക്കുന്നത്.
പിഎസജിയുടെ ഹോം ഗ്രൗണ്ടില്‍ അടുത്ത ദിവസം പുലര്‍ച്ചെ 12.30നാണ് മത്സരം. 2016ല്‍ ഗാര്‍ഡിയോള സിറ്റിയുടെ പരിശീലകനായി എത്തിയ ശേഷം ഇതേവരെ മാഞ്ചസ്റ്റര്‍ സിറ്റിക്ക് യൂറോപ്യന്‍ ചാമ്പ്യന്‍സ് ലീഗില്‍ മുത്തമിടാനായിട്ടില്ല. പരിക്ക് ഉള്‍പ്പെടെയുള്ള പ്രശ്‌നങ്ങളില്ലാതെയാണ് ഇത്തണ സിറ്റി നിര്‍ണായക മത്സരത്തിന് എത്തുന്നത്. കഴിഞ്ഞ മത്സരത്തില്‍ ടോട്ടന്‍ഹാമിനെ പരാജയപ്പെടുത്തി കറബാവോ കപ്പ് സ്വന്തമാക്കിയതിന്‍റെ ആത്മവിശ്വാസത്തിലാണ് സിറ്റി ഇന്നിറങ്ങുന്നതെന്ന പ്രത്യേകതയുമുണ്ട്.