വല്ലാഡോളിഡ് (സ്പെയിൻ) : ലാ ലിഗ കിരീടത്തില്‍ അത്‌ലറ്റിക്കോ മാഡ്രിഡിന്‍റെ ചുംബനം. നിര്‍ണായകമായ മത്സരത്തില്‍ വല്ലാഡോളിഡിനെ ഒന്നിനെതിരെ രണ്ടു ഗോളുകള്‍ക്ക് തകര്‍ത്താണ് അത്‌ലറ്റിക്കോ കിരീടത്തില്‍ മുത്തമിട്ടത്. ആദ്യ പകുതിയില്‍ പിന്നിട്ടുനിന്ന ശേഷം രണ്ടാം പകുതിയിലാണ് ഡീഗോ സിമിയോണിന്‍റെ സംഘം പൊരുതിക്കയറിയത്.
ഓസ്‌കാര്‍ പ്ലാനോയിലൂടെ 18ാം മിനിറ്റിലാണ് വയ്യാഡോളിഡ് ലീഡെടുത്തത്. തുടര്‍ന്ന് 57ാം മിനുട്ടില്‍ എയ്ഞ്ചല്‍ കൊറിയയിലൂടെയും 67ാം മിനിറ്റില്‍ ലൂയിസ് സുവാരസിലൂടെയും അത്‌ലറ്റിക്കോ മറുപടി നല്‍കി. 38 മത്സരങ്ങളില്‍ നിന്നും 86 പോയിന്‍റ് നേടിയാണ് അത്‌ലറ്റിക്കോ നീണ്ട ആറ് സീസണുകളിലെ കാത്തിരിപ്പ് അവസാനിപ്പിച്ചത്.