ന്യൂഡല്‍ഹി: മുൻ ഇന്ത്യൻ ഫുട്ബോൾ താരവും പരിശീലകനുമായിരുന്ന സയ്യിദ് ഷഹിദ് ഹക്കിം (82) അന്തരിച്ചു. ഗുല്‍ബര്‍ഗിലെ സ്വകാര്യ ആശുപത്രിയില്‍ വച്ചാണ് മരണം സംഭവിച്ചത്. അഞ്ച് പതിറ്റാണ്ടിലേറെ നീണ്ട ബന്ധമാണ് ഹക്കിമിന് ഇന്ത്യന്‍ ഫുട്‌ബോളുമായി ഉണ്ടായിരുന്നത്.
1960 ലെ റോം ഒളിമ്പിക്സില്‍ ഇന്ത്യയെ പ്രതിനിധീകരിച്ച ഫുട്ബോള്‍ ടീമില്‍ അംഗമായിരുന്നു. എന്നാല്‍ പിതാവ് കൂടിയായ സയിദ് അബ്ദുല്‍ റഹിം പരിശീലിപ്പിച്ചിരുന്ന ടീമിന്റെ ആദ്യ ഇലവനില്‍ ഇടം പിടിക്കാന്‍ ഷഹിദിന് കഴിഞ്ഞിരുന്നില്ല.1982-ൽ ഡൽഹിയിൽ നടന്ന ഏഷ്യൻ ഗെയിംസിൽ അന്തരിച്ച പികെ ബാനർജിയുടെ കീഴില്‍ സഹ പരിശീലകനായിരുന്നു.