സതാംപ്‌റ്റണ്‍: ലോക ടെസ്റ്റ് ചാമ്പ്യൻഷിപ്പ് ഫൈനലിലെ ആദ്യ സെഷൻ മഴ മൂലം ഉപേക്ഷിച്ചു. ഇന്ത്യ- ന്യൂസിലാൻഡ് കലാശപ്പോരിലെ ആദ്യ ദിവസം അതി ശക്തമായ മഴയാണ് മത്സരം നടക്കുന്ന റോസ് ബൗൾ സ്റ്റേഡിയത്തിലുണ്ടായത്. ടോസ് ഇടാൻ പോലും കഴിയാത്ത പ്രതികൂല സാഹചര്യമാണ് സതാംപ്ടണിൽ എന്നാണ് റിപ്പോർട്ടുകൾ.
ഉച്ചകഴിഞ്ഞ് 2.30 നാണ് ടോസ് നിശ്ചയിച്ചിരുന്നത്. എന്നാൽ മഴ കനത്തതോടെ ആദ്യ സെഷൻ ഉപേക്ഷിക്കുകയായിരുന്നു. ഇന്ന് സതാംപ്റ്റണില് ഇന്നു കനത്ത മഴ പെയ്‌തേക്കും എന്നാണ് ബ്രിട്ടീഷ് കാലാവസ്ഥ വകുപ്പിന്‍റെ പ്രവചനം.