മുംബൈ: വനിത പ്രീമിയര്‍ ലീഗ് രണ്ടാം പതിപ്പിനുള്ള താരലേലം (WPL Auction 2024) നാളെ (ഡിസംബര്‍ 9) മുംബൈയില്‍ നടക്കും. 165 താരങ്ങളാണ് ഇക്കുറി ലേലത്തിന് രജിസ്റ്റര്‍ ചെയ്‌തിട്ടുള്ളത്. അടുത്ത വര്‍ഷം ഫെബ്രുവരി അല്ലങ്കില്‍ മാര്‍ച്ച് മാസത്തിലായിരിക്കും വനിത പ്രീമിയര്‍ ലീഗിന്‍റെ രണ്ടാം എഡിഷന്‍ നടക്കുന്നത്.
ലേലത്തിന് പേര് രജിസ്റ്റര്‍ ചെയ്‌തിട്ടുള്ള താരങ്ങളില്‍ 101 പേരും ഇന്ത്യന്‍ താരങ്ങളാണ്. വിവിധ വിദേശ രാജ്യങ്ങളില്‍ നിന്നും 64 പേരും ലേലത്തിനുണ്ട്. താരലേലത്തിന് കൂടുതല്‍ തുകയുമായെത്തുന്നത് ഗുജറാത്ത് ജയന്‍റ്‌സാണ്. 5.95 കോടിയാണ് നിലവില്‍ അവരുടെ കൈവശമുള്ളത്.
യുപി വാരിയേഴ്‌സ് (4 കോടി), റോയല്‍ ചലഞ്ചേഴ്‌സ് ബാംഗ്ലൂര്‍ (3.35 കോടി), ഡല്‍ഹി കാപിറ്റല്‍സ് (2.25 കോടി), മുംബൈ ഇന്ത്യന്‍സ് (2.1 കോടി) എന്നിങ്ങനെയാണ് മറ്റ് ടീമുകളുടെ പഴ്‌സില്‍ ശേഷിക്കുന്ന തുക. ഇത് കൂടാതെ ഓരോ ടീമുകള്‍ക്കും അധികമായി 13.5 കോടിയും താരലേലത്തില്‍ ഉപയോഗിക്കാം.
താരലേലം ലൈവായി കാണാന്‍:നാളെ ഉച്ചയ്‌ക്ക് രണ്ടരയ്‌ക്കാണ് വനിത പ്രീമിയര്‍ ലീഗ് താരലേലം ആരംഭിക്കുന്നത്. ടെലിവിഷനില്‍ സ്പോര്‍ട്‌സ് 18 ചാനലിലൂടെയും ഓണ്‍ലൈനില്‍ ജിയോ സിനിമയിലൂടെയും ലേലം ആരാധകര്‍ക്ക് കാണാം.
- ഡല്‍ഹി കാപിറ്റല്‍സ് വനിത ടീം(Delhi Capitals Retained Players List For WPL 2024)
നിലനിര്‍ത്തിയ താരങ്ങള്‍: മിന്നു മണി (Minnu Mani), ഷഫാലി വെര്‍മ, ജെര്‍മിയ റോഡ്രിഗസ്, മെഗ് ലാനിങ്, ആലിസ് കാപ്‌സി, അരുന്ധതി റെഡ്ഡി, ജെസ് ജൊനാസന്‍, ലോറ ഹാരിസ്, മാരിസെയ്‌ന്‍ കാപ്, പൂനം യാദവ്, രാധാ യാദവ്, ഷഫാലി വെര്‍മ, ശിഖ പാണ്ഡെ, സ്നേഹ ദീപ്‌തി, തനിയ ഭാട്ടിയ, ടൈറ്റസ് സധു.
- ഗുജറാത്ത് ജയന്‍റ്‌സ്(Gujarat GiantsRetained Players List For WPL 2024)
നിലനിര്‍ത്തിയ താരങ്ങള്‍:ആഷ്‌ലി ഗാര്‍ഡ്‌നെര്‍, ഹര്‍ലീന്‍ ഡിയോള്‍, ബെത് മൂണി, സ്നേഹ റാണ, തനൂജ് കണ്‍വീര്‍, ലോറ വോൾവാർഡ്,ദയാൻ ഹേമലത, ഷബ്‌നം ഷക്കീൽ, തനൂജ് കൺവീർ.
- മുംബൈ ഇന്ത്യന്‍സ് വനിത ടീം(Mumbai IndiansRetained Players List For WPL 2024)
നിലനിര്‍ത്തിയ താരങ്ങള്‍:ഹര്‍മന്‍പ്രീത് കൗര്‍, ഹെയ്‌ലി മാത്യൂസ്, അമേലിയ കെർ, അമൻജോത് കൗർ, ക്ലോ ട്രയോൺ, നതാലി സ്‌കിവര്‍, പൂജ വസ്ത്രകർ, സൈക ഇഷാഖ്, യാസ്തിക ഭാട്ടിയ, ഹുമൈറ കാസി, ഇസബെല്ലെ വോങ്, ജിന്‍റിമണി കലിത, പ്രിയങ്ക ബാല.
- റോയല്‍ ചലഞ്ചേഴ്‌സ് ബാംഗ്ലൂര്‍ വനിത ടീം(Royal Challengers Bangalore Retained Players List For WPL 2024)
നിലനിര്‍ത്തിയ താരങ്ങള്‍:സ്‌മൃതി മന്ദാന, എല്ലിസ് പെറി, സോഫി ഡിവൈന്‍, റിച്ച ഘോഷ്, ഹെതർ നൈറ്റ്, രേണുക സിങ്, ഇന്ദ്രാണി റോയ്, ശ്രേയങ്ക പാട്ടീൽ, ആശാ ശോഭന, ദിഷ കസത്.
- യുപി വാരിയേഴ്‌സ്(UP WarriorzRetained Players List For WPL 2024)
നിലനിര്‍ത്തിയ താരങ്ങള്‍:അലീസ ഹീലി, ദീപ്‌തി ശര്‍മ, ഗ്രേസ് ഹാരിസ്, അഞ്ജലി ശര്‍വാണി, കിരണ്‍ നവ്ഗിരെ, സോഫി എക്‌ലസ്റ്റോണ്‍, താഹില മക്ഗ്രാത്ത്, ശ്വേത സെഹ്‌റാവത്ത്, രാജേശ്വരി ഗെയ്‌ക്‌വാദ്, ലോറന്‍ ബെല്‍, ലക്ഷ്‌മി യാദവ്, യഷശ്രി, പര്‍ഷ്വി ചോപ്ര.
