ന്യൂഡൽഹി: ഇന്ത്യൻ അണ്ടർ 19 ടീമിന്‍റെ ഏഷ്യ കപ്പ് വിജയം വരാനിരിക്കുന്ന അണ്ടർ 19 ലോകകപ്പിന് ആത്മവിശ്വാസം വർധിപ്പിക്കുമെന്ന് ദേശീയ ക്രിക്കറ്റ് അക്കാദമി (എൻസിഎ) തലവൻ വിവിഎസ് ലക്ഷ്‌മൺ. വെള്ളിയാഴ്‌ച ദുബായിൽ നടന്ന ഫൈനലിൽ ശ്രീലങ്കയെ ഒൻപത് വിക്കറ്റിന് തകർത്ത് എട്ടാമത്തെ ഏഷ്യ കപ്പ് കിരീടമാണ് ഇന്ത്യ സ്വന്തമാക്കിയത്.
'ഏഷ്യ കപ്പ് വിജയത്തിൽ ഇന്ത്യൻ അണ്ടർ 19 ടീമിന് അഭിനന്ദനങ്ങൾ. കാലാവസ്ഥ അവരുടെ തയ്യാറെടുപ്പുകളെ കാര്യമായി ബാധിച്ചു. പക്ഷേ അവർ ടൂർണമെന്‍റിലുടനീളം മെച്ചപ്പെട്ട പ്രകടനം കാഴ്‌ചവെയ്‌ക്കുന്നത് കാണാനായത് സന്തോഷകരമാണ്.