ന്യൂഡല്‍ഹി : ടി20 ലോകകപ്പിന് ശേഷം വിരാട് കോലി വൈറ്റ് ബോള്‍ (ഏകദിനം, ടി20 ) ക്രിക്കറ്റിലെ നായക സ്ഥാനം ഒഴിയുമെന്ന റിപ്പോര്‍ട്ടുകള്‍ തള്ളി ബിസിസിഐ ട്രഷറർ അരുൺ ധുമാൽ. അസംബന്ധമെന്നായിരുന്നു ഇതേക്കുറിച്ചുള്ള അദ്ദേഹത്തിന്‍റെ പ്രതികരണം.
'പ്രചരിക്കുന്നതൊക്കെ അസംബന്ധമാണ്. അത്തരത്തില്‍ ഒന്നും സംഭവിക്കാന്‍ പോകുന്നില്ല. ഇതെല്ലാം നിങ്ങള്‍ മാധ്യമങ്ങളുടെ പ്രചാരണങ്ങളാണ്. ഈ വിഷയം ബിസിസിഐ ചര്‍ച്ച ചെയ്‌തിട്ടില്ല. ക്രിക്കറ്റിന്‍റെ എല്ലാ ഫോര്‍മാറ്റിലും കോലി തന്നെ ക്യാപ്റ്റനായി തുടരും.' അരുൺ ധുമാൽ പറഞ്ഞു.