ദുബായ്: ബാറ്റിങ്ങിലെ മോശം ഫോമിന്‍റെ അടിസ്ഥാനത്തില്‍ ടി20 ലോകകപ്പിനുള്ള ഇംഗ്ലണ്ട് ടീമില്‍ നിന്നും മാറി നില്‍ക്കാന്‍ തയ്യാറാണെന്ന് നായകന്‍ ഇയാന്‍ മോര്ഗന്. മറ്റൊരാള്‍ക്ക് അവസരം നല്‍കാന്‍ എല്ലായെപ്പോഴും മാറി നില്‍ക്കാന്‍ ഞാന്‍ തയ്യാറാണ്. ടീം ടി20 കിരീടം നേടുന്നതിന് തടസമായി നില്‍ക്കാന്‍ ആഗ്രഹിക്കുന്നില്ല.
റണ്‍സെടുക്കുന്നില്ലെങ്കിലും തന്‍റെ ക്യാപ്റ്റന്‍സി അത്ര മോശമാണെന്ന് കരുതുന്നില്ല. ഇവ രണ്ടും വ്യത്യസ്ത വെല്ലുവിളികളായി കാണാനാണ് ആഗ്രഹിക്കനുന്നത്. ഒരു ബൗളറല്ലാത്തതിനാലും ഒരല്‍പ്പം പ്രായം കൂടിയതിനാലും ഫീല്‍ഡിങ്ങിലും കൂടുതല്‍ സംഭാവന ചെയ്യാനായില്ലെങ്കിലും നായകനെന്ന രീതയില്‍ തന്‍റേതായ സംഭാവന നല്‍കാന്‍ കഴിയും.
മോശം ഫോമിന്‍റെ കാലം മറികടക്കാനായിരുന്നില്ലെങ്കില്‍ താനിവിടെയുണ്ടാവുമായിരുന്നില്ല. ടി20 ഫോര്‍മാറ്റില്‍ ബാറ്റിങ്ങില്‍ റിസ്‌ക് എടുക്കേണ്ടി വരും. താനും അതു തന്നെയാണ് ചെയ്യുന്നത്. ടീം ആവശ്യപ്പെടുന്നിടത്തോളം ടീമില്‍ തുടരും. മറിച്ചാണെങ്കില്‍ മാറി നില്‍ക്കുമെന്നും 35കാരനായ മോര്ഗന് വ്യക്തമാക്കി.