ഗീലോങ്:ഐസിസി ടൂര്‍ണമെന്‍റില്‍ നായകനാവുന്ന ആദ്യ മലയാളിയെന്ന നേട്ടം സ്വന്തമാക്കി കണ്ണൂരുകാരന്‍ ചുണ്ടങ്ങപ്പൊയില്‍ റിസ്വാന് (സിപി റിസ്വാന്). ഓസ്‌ട്രേലിയയില്‍ നടക്കുന്ന ടി20 ലോകകപ്പ് യോഗ്യത റൗണ്ടില്‍ നെതര്‍ലന്‍ഡ്‌സിനെതിരെ യുഎഇയെ നയിച്ചതോടെയാണ് 34കാരനായ റിസ്വാന് അഭിമാന നേട്ടം സ്വന്തമാക്കിയത്.
തലശേരി സ്വദേശി അബ്‌ദുറഊഫിന്‍റെയും നസ്രീൻ റഊഫിന്‍റെയും മകനാണ്. ഫാത്തിമ അനസാണ് ഭാര്യ. കുടുംബ സമേതം യുഎഇയിലാണ് റിസ്വാന് താമസിക്കുന്നത്. 2019ൽ നേപ്പാളിനെതിരെയാണ് അന്താരാഷ്ട്ര അരങ്ങേറ്റം നടത്തിയത്.
അന്താരാഷ്ട്ര ക്രിക്കറ്റിൽ സെഞ്ച്വറിയുള്ള ഏക മലയാളി താരം കൂടിയാണ് റിസ്വാന്. കഴിഞ്ഞ വർഷം ജനുവരി എട്ടിന് അബുദബി ശൈഖ് സായിദ് സ്റ്റേഡിയത്തിൽ അയർലൻഡിനെതിരെയാണ് താരം സെഞ്ച്വറി പ്രകടനം നടത്തിയത്. 136 പന്തിൽ 109 റൺസായിരുന്നു റിസ്വാന് അന്ന് അടിച്ചെടുത്തത്.