സിഡ്‌നി: ടി20 ലോകകപ്പിനായി പുതിയ ജേഴ്‌സി അവതരിപ്പിച്ച് നിവലിലെ ചാമ്പ്യന്മാരായ ഓസ്‌ട്രേലിയ. സ്വന്തം മണ്ണില്‍ നടക്കുന്ന ടൂര്‍ണമെന്‍റിനായി തദ്ദേശീയമായ തീമിലാണ് ജേഴ്‌സി രൂപകല്‍പ്പന ചെയ്തിരിക്കുന്നത്. ഓസ്‌ട്രേലിയയുടെ തനതായ സ്വര്‍ണ നിറത്തിനൊപ്പം പച്ച നിറത്തിലുള്ള ഗ്രേഡിയന്‍റും അടങ്ങുന്നതാണ് ജേഴ്‌സി.
കൈകളുടെ ഭാഗത്ത് കറുത്ത നിറമാണുള്ളത്. പ്രശസ്ത സ്‌പോര്‍ട്‌സ്‌ ഉത്പന്ന നിര്‍മാതാക്കളായ അസിക്‌സുമായി സഹകരിച്ച് അന്‍ഡി ഫിയോന ക്ലാര്‍ക്ക്, കേര്‍ട്‌ണി ഹാഗെന്‍ എന്നിവര്‍ ചേര്‍ന്നാണ് ജേഴ്‌സി രൂപകല്‍പന ചെയ്‌തത്. ഒക്‌ടോബര്‍-നവംബര്‍ മാസങ്ങളിലായാണ് ടി20 ലോകകപ്പ് നടക്കുന്നത്.